Hans-Georg Kaiser
Pafbudo por hejme

(poemo por la militindustrio
kaj ties glorigantoj)

Unue ĉiujn anasojn,
tiam paperflorojn
kaj cel-telerojn!

Kaj poste
ankaŭ homojn!
Unue la geavojn!
Poste la gepatrojn.
Tiam la instruistino en la gimnazio,
tiu cerbmalsana stultulino,
kaj poste iu en rulseĝo!

Kaj kiam ĉiuj jam kuŝos en sango,
ili ĉiuj ricevos kiel dankon
grandan pluŝurson
de la fama firmao "Ĉiampreta & filoj",
kiu ne povus ellasi tiun negocon --
pro la agresema konkurenco el Ĉinio.

https://cezaroriginaloj.blogspot.com/