fotopoemo

fotis Cezar Cezar Hura, jam neĝo falas! "Hura, hura, hura, jam neĝo falas ja!" Kvankam eĉ homoj krias, ke vintro ege fias, nin ravas neĝofal' de flokoj al la val'! "Hura, hura, hura! Jam neĝ' surstratas ja!" Ĝi faras ĉion glata, kaj blanka kaj laŭvata. La sledoj ekveturas, infanoj grege kuras. "Hura, hura, hura, jam flokoj dancas ja!" Alvokas ĝi plezuron kaj hundojn en la spuron. La neĝobuloj flugas kaj vangoj frostlanugas. "Hura, hura, hura, Jam vintro venis ja!" La flokfalado strias kaj ni plezure krias: "Saluton al vi, neĝo, nun vintro estu reĝo!" PS: Hodiaŭ Donjo kaj mi vidis la unuajn neĝoflokojn en la aero, sufiĉe da inspiro por mi por foje verki vintropoemon:). Se la printempo venos, mi tiam verkos eventuale poemon pri "oldulo vintro", ke li retiriĝu finfine. Nu, ĉio havas sian tempon, eĉ la verkado de naturpoemo okazu prefere laŭsezone... troviĝas en cezarpoemoj

fotis Cezar Cezar Nur gastoj surtere Jen eble estas lasta foj', ke mia man' en via kuŝas, ke mi, migranto, sur la voj', jen viajn dolĉajn lipojn tuŝas. Vi ridas hele kaj kun ĝoj' kaj tiel softe min karesas. Sed mi, migranto sur la voj', pri mia timo nun konfesas. Ni estas gastoj nur sur Ter', eĉ, se ni kiel ajn feliĉas. Pro l' skeletul' aŭ Lucifer' plej rava amo ja finiĝas. Ne por eterne brulas am', finiĝas tiu kiel ĉio. Kaj ĝuste tial, kara dam', vi amu plu min kun pasio. Ja eble estas lasta foj', ke mia man' en via kuŝas, ke mi, nur gasto sur la voj', jen viajn dolĉajn lipojn tuŝas.

aranĝis kaj fotis Cezar Cezar (A)larmoj Larmo vira lame iras. Ina larmo nin altiras. Larmo vira multekostas. Ina larmo koste postas. In-alarmo nin alarmas. Sed la ina larmo ĉarmas. http://www.cezarpoemoj.cezarpoezio.de/154.html

el cirklibro Cezar Plagata edzo Sekstag', sekstag'!! Tia in' estas plag'. Kaptante laŭ bubo ŝi falas ĉe rubo: "Boru, boru, ni tuj ekamoru!" PS: Laŭ ĉinesko Tiaxiaoling https://www.ipernity.com/group/cxinesko

fotis Cezar https://www.ipernity.com/blog/cezar/54643 Cezar: Nuboj

fotis Cezar Cezar Mi celebras... https://www.ipernity.com/blog/cezar/229282

Hans-Georg Kaiser Mevaj revoj Revoj estas kiel mevoj, ne eĉ pensas do pri devoj. Ili tentas eĉ la decon, la plej belan edzinecon. Revoj ja flugilojn donas; sed la sobra viv' admonas: "Restu, hom', prefere hejme, kion ajn vi revas eme. Kiel ajn sopiro logas, la espero vin mensogas. Hejme estas varma forno kaj ne revo nur sen dorno." Tamen revoj tre necesas, tion mi kun ĝoj' konfesas; se ne estus mevaj revoj, restus al ni nur la devoj.

https://www.ipernity.com/blog/cezar/138342 Cezar: Di' helpu vin, Obama! http://www.cezarpoemoj.cezarpoezio.de/181.html

fotis Cezar Cezar Depresio Plagas min plu depresio, sed mi pensas - pro nenio. Pro nenio mi suferas, dum narcise mi surteras. Depresio nur min plagas. Dum pro blua flor' mi vagas. Depresio pro nenio, dum mi vivas preter ĉio. Depresi' embuskas ĉie, en muziko, ie tie. Se min depresio skuas, mi elkore kun-Biĵu-as. Depresien mi forrajdas, dum animo mia tajdas. Depresio min atendas, ĉu la lando rekomendas?

fotis Cezar CEZAR IDENTECA KRIZO Identeca krizo, ĉu min kaptis ftizo? Ŝajnas, ke mi flugas; ĉu mi eĉ lanugas? Hundas mi aŭ nubas? Aĥ, mi pri mi dubas. Ĉu mi estas besto, ĉu nur vata vesto?

www.ipernity.com/blog/cezar/114062 Eduard Ebel (1839-1905) Softe falas la neĝ' - kristnaskkanto -

el Vikipedio Cezar La pensulo Mi pensas kaj pensas: Ĉu pensoj sensencas? Ĉu pensoj utilas, se hom' nur babilas? Ĉu movi do manon? Ĉu baki la panon? Ĉu pensi kaj sidi sen krei aŭ ridi? Ĉu pensi sen agi? Nur pense do vagi? Ni pensu kaj faru, praktike komparu! http://www.cezarpoemoj.cezarpoezio.de/220.html

www.ipernity.com/blog/cezar/78425