Vincent, la florŝatanto

fotis Cezar

Cezar

Ĉiu floro


Ĉiu floro, ĉiu floro,
floras bele kun fervoro
en la temp' de l' ĝusta horo
en pasia homa koro.

Flor' salutas nin per kronoj,
belkolore antaŭ fonoj.
Floroj estas plu admonoj
al pacem' kaj softaj sonoj.

Kelkaj ege ebriigas,
kelkaj torĉe nin instigas.
Per bunteco flor' intrigas
kaj per sorĉo nin religas.

Ĉiu floro, ĉiu floro
floras bele kun fervoro
en la temp' de l' ĝusta horo
pro pasio en adoro.


Rimarko: Mi ĵus rearanĝis mian floralbumon kaj aldonis novajn muziktitolojn. Multe da plezuro ĉe la rigardado.