Ranoreĝo

fotis Cezar

Cezar

Mi amas vin, mi amas vin...


Mi amas vin, ĉar mi vin ami devas.
Mi amas vin, por ke mi ne nur revas.
Mi amas vin kaj eĉ sen mia kulp'.
Mi amas vin, jen lupo kaj jen vulp'.

Mi amas vin, ĉar mi elkore emas.
Mi amas vin, ĉar vi pro seks' ektremas.
Mi amas vin laŭ bakfiŝ' kun citron'.
Mi amas vin eĉ sen kaŝita ton'.

Mi amas vin kun haŭto kaj harar'.
Mi amas vin. Vi estas sen kompar'.
Mi amas vin per mia vira forto.
Mi amas vin pro manĝoj kaj pro l' sorto.

Mi amas vin, ĉar ami oni devas.
Mi amas vin, por ke la kor' ne krevas.
Mi amas vin en ĉiu jarsezon'.
Mi amas vin pro vi kaj via mon'.

http://www.ipernity.com/blog/cezar/edit/153092