Vladimir Beekman
Vespere
… Li knabinon hejmen akompanis
man-enmane iri estis hont',
tamen ŝin li ŝtelrigardis ame,
promenante sur la Harju-mont'.
Ombris vojon arboj densfoliaj,
kiujn tuŝis vesperruĝa or'...
La unua lernejfest' ilia
nur finiĝis antaŭ duonhor'.
Apud ŝi li sur altaĵ' ekstaris,
serioza iĝis la vizaĝ' –
ĉi vesper' el li junulon faris,
restis malantaŭe la knabaĝ'.
1954
El la estona: Hilda Dresen (Tallin)
https://cezarkulturo.blogspot.com/
Sign-in to write a comment.