Hans-Georg Kaiser
Lernu stelojn flari
Fermu la okulojn,
ne plu ĉasu kulojn.
Lernu ofte revi,
kortrezorojn levi.
Fermu la orelojn;
hisu sentovelojn.
Lernu legi nubojn,
blovu for la dubojn.
Metu vian nazon
en afrikan vazon.
Lernu stelojn flari,
ventmobilojn fari.
Stelolumo
Post la noktomezo,
en kiu mi ne povis dormi,
kuŝante sur la lito,
mi rigardis stelojn
tra la fenestro
de la dormĉambro.
Kiom da jarmiloj ili kuris por atingi nin?
Ekflugis mi por ilin akcepti.
Mi atingis la stelojn finfine.
Fariĝis mi jam unu el la steloj,
kiuj rigardas Teren.
Klare videble jen mia
kviete dormanta edzo,
unu el liaj manoj varmaj metita
sur mian mamon nudan.
Eklumiĝis,
ĉar mi malfemis la okulojn
ankoraŭ ĝustatempe.
(07.01.2010)
PS: Jen rapida provo de korekto fare de mi. La poemo tre plaĉas al mi:). Dankon!
Sign-in to write a comment.