Biblioteko de F. V. Lorenz en Vrdy

La biblioteko en la komunumo, al kiu nun administre apartenas Zbyslav, la naskiĝvilaĝo de Lorenz, ekde 1.7.2018 oficiale portas lian nomon. 8.7.2018 okazis solena ceremonio ligita kun senvualigo de la memortabulo omaĝe al li (skulptita de esperantisto Zdeněk Myslivec). La aranĝo okazis en intensa kunlaboro kun ĈEA kaj ties Muzea kaj ekspozicio grupo (precipe kun Petr Chrdle kaj Pavla Dvořáková).

La origina nomo en la ĉeĥa lingvo estas František Vladimír Lorenc, nur dum la restado en Brazilo estis kreita la portugaligita versio, sub kiu li estas konata ankaŭ e Esperantujo.