D-ro Zamenhof gastas en la Muzea nokto en Svitavy!

D-ro Zamenhof kun sia edzino Klara vizitis la Muzean nokton en Svitavy! Vendrede la 9-an de junio okazis kadre de la Muzea nokto en nia muzeo ĉeĥlingva programo por la urba publiko (inkl. la "malgrandan" inaŭguron de la ekspozicio) kaj vespere la membroj de la loka Esperanto-klubo partoprenis ankaŭ en la historia kultura programo en la Salono de Ottendorfer, kiu situas en la supra etaĝo super nia muzeo. Kiel dr. Zamenhof (la dua maldekstre) prezentiĝis Jan Řepa el Netolice (kiu i.a. aktoris en la teatraĵo R.U.R. de Ĉapek), lian edzinon prezentis Dagmar Martinková el Svitavy.