Vizito el Ĉinio en nia muzeo

Ĵus antaŭ nia muzea nokto en majo vizitis nin kvarmembra grupeto de ĉinaj esperantistoj (kun esp. gvidanto el Pollando), kiu sub gvido de la redaktorino de la gazeto "El popola Ĉinio" vojaĝis al IFEF-Kongreso en Varna.

Estrino de la Muzea grupo Libuše Dvořáková (surfote maldekstre de d-ro Zamenhof) akceptis la gastojn kaj konatigis ilin kun nia muzeo.

Akompanis ilin ankaŭ Ladislav Kovář, prezidanto de la Ĉeĥa Asocio de Esperantistoj-Fervojistoj (maldekstre) kaj samideano el Pollando, kiu veturigis la gastojn tra Ĉeĥio per sia aŭtomobilo.