Freŝa Aero هوای تازه

DoDoDo klubo!
Hodiaŭ mi vidis reklamon pri DoDoDo klubo en Tehrano kiu eble kiel mi interesos vin!
DoDoDo klubo estas:
"klubo de Frenezuloj de Du Dameŝkaj Damoj" (هيات ديوانگان دو بانوي دمشق).

DSC00065

En Ĉinio okazis suferiga tertremo kiu dolorigas ĉies animon ... Ankoraŭ la homo estas tre malforta kontraŭ naturaj fenomenoj sed ne tro malforta. La okazinat katastrofo rememorigis min pri la tertremo kiu atendas Tehranon aŭ alidire Tehrano atendas ĝin! La fakuloj alarmas se okazos tertremo en Tehrano (kiun de antaŭ 50 jaroj oni atendas) almenaŭ 1/000/000 da homoj pereos ... . La registaro ankoraŭ ne sukcesis fari bazajn agadojn en tiu sfero.

Korajn dankojn al ĉiuj geamikoj kiuj publike aŭ private sendis al mi mesaĝojn okaze Novruz-festo. Ne agrablan novjaran feston mia familio ĉi jare havis, ĉar antaŭ monato hazarde forpasis mia bofrato (la edzo de la fratino de mia edzino kun kiu mi estis en amikaj riltoj) kaj la tuta familio estis funebra. Tamen Novruzo estas Novruzo kaj ne eblas preterpasi ĝin. Mi skribis noton sed mi evitis publikigi ĝin ĉar estis iom ne malagrabla, eble sub influo de la okazintaĵo, do mi preferis silenti ... Ankoraŭ ni estas dum la novjara feriado kaj ekde la 5-an de aprilo espereble ĉio estos enordo!

DSC04993

La lasta mardo de la jaro (laŭ irana suna kalendaro) estas "merkred-festo". Oni kolektas lignaĵon kaj je la mallumiĝo bruligas ilin. Oni ĉirkaŭas la faritan fajron kaj ĝuadas saltante super la fajro. fajro estas simbolo de la vivo laŭ irana mitologio kaj tre kara estaĵo. Vere oni ne scias de kiam irananoj faras tiun ceremonio sed tio jam ne gravas, gravas tio ke oni jam ŝatas tion feston kaj estas oportuna okazo ĉirkaŭ la fajro ĝojkanti kaj danci! kompreneble oni ne forgesas gustumi ankaŭ nuksaĵon!
Menciindas ke antaŭ "islamigo" de irano, estis multaj festoj en irano sed post islamo oni jam forlasis multajn sed kelkaj festoj plu vivis malgraŭ islamo kiel "Jalda festo", "merkred-festo" kaj la plej granda festo "Novruzo" kiu estas jarŝanĝa festo en irano. Malgraŭ tio ke islamo eniris iranon kaj multon ŝanĝis sed neniam oni kapablis forigi "Novruzon" kaj malgraŭ tio ke ĉiuj islamaj landoj uzas lunkalendaron devenita de araboj, irananoj ĉiam uzis sunkalendaron kiu komenciĝas per Novruzo.
Novruzo ne estas io religia festo sed pura natura festo kaj tio estas 21a de marto dum kiu en la ... de la tero komenciĝas printempo!
Laŭ mi Novruzo estas unu el la plej malmultaj logikaj aferoj kiuj okazas en irano!:)

Merkred-festo heroldas Novruzon! la plej karan feston de irananoj spite ajna religio, etno, raso kaj ideologio. Novruzo estas signo kaj simbolo de "irana kulturo". Ĉie kie oni festas Novruzon, tie estas limo de irana kulturo.

Vidu fotojn de la pasintjara Merkred-Festo de Tehranaj geesperantistoj!

Mi intencis ion plumi pri senhonora parlamenta (s)elektado okazinta antaŭ hieraŭ en irano sed mia samlandano Beĉjo ĝuste skribis tion kion mi intencis skribi!

• Persepolo

• Antaŭ semajne mi "sukcesis" spekti la faman filmon Persepolo (PERSPOLIS) far de Maĝan Satrapiمرجان ساتراپي
  
• Unu vorte la filmo estas ĉefverko!
  
• La filmo estas komuna historio de mia generacio
  
• Estas komprenata kiom furiozas la irana registaro pri la filmo sed fakte la filmo ne estas io politikaĵo kaj male laŭ mi estas persona sin rakonto.
  
• Ne irananoj ne kapablos kompreni kiom estas kuraĝa Marĝan Satrapi rakontante sian privatan vivon, dum la plej multo da irananoj estas sin kaŝemaj kaj ege konservativaj tiu rilate!
  
• Mi kredas ke unu foja spektado de la filmo ne sufiĉos al mi ...
• kaj
  
• Se iuj iranaj geamikoj deziras spekti la filmon volonte mi transdonos:)
• Maĝan Satrapi estas respektinda artisto al kiu mi esprimas mian elkoran dankon.
• Legu ankaŭ ĉe Manolo pri Persepolo
  
  

Dum la pasinta somero pli ol 100000 da virinoj en Tehrano estis avertitaj, priparolitaj, kaptitaj kaj arestitaj de islama polico rilate ilia hiĝabo ... |imagu lapolico surstrate "kaptas" vin kaj demandas pri via vestaĵo, pri ĝia koloro, mezuro, modelo, larĝeco, longeco ...|
Kaj nun aperas io interesas novaĵo:
La policestro de Tehrano estis pasintsemajne kaptita en iu hejmo kune kun 6 nudaj virinoj! kompreneble ne en la laŭ propagandita stilo kiun oni perforte volas de la ordinara irana popolo!
Pli interesas estas tio ke la novaĵon preskaŭ neniu amaskomunikado dissendis en irano! kaj simple sen ajna kialo oni diris ke la tehrana policestro estis ŝanĝita:)!

la novaĵfonto

Monir Zamaninia (منیر زمانی نیا) estas infanedukisto kaj kiel instruistino laboras en infanĝardeno. Ŝi instruas arton kaj pentradon al la infanoj kaj ŝiaj gelernantoj ofte brilas en la tutlanda infana arta konkurso. Monir faras artaĵojn de jam foruzitaj paperaĵoj kaj ĉiu jare antaŭ ol Novruzo ŝi okazigas specialan ekspozicion pri sia laboraĵo, jen fotoj rilate ĉi jara ŝia artlaboro, ĉio farita de la jam forĵetitaj paperaĵoj kaj iel rilatata al la plej granda festo en Irano: Novruzo!

Ĝuu ŝian artverkaron ĉi tie!

PS: Monir estas edzino de M. Parviz Habibpur fama pentristo kaj UEA delegito

Hieraŭ subite oni reklamis ke tra la lando estas "festo"! La kialo estis tio ke laŭ la registaro "irana popolo" venkis en la nuklea energio kaj nun "la cetera mondo" rekonas nin kiel "nuklea superpotenco" kaj irano apartenas al "nuklea klubo".

...

Tiaj voroj milfoje hieraŭ aŭdiĝis tra la amaskomunikado kiu monopole apartenas al la islama registaro de irano. Oni mensogas kaj mensogegas...

Oni deklaras feston kiu estas sensenca, senbaza kaj nur por kovri la fakton, kaj bruegadi. Vere ili estas sinceraj lernatoj de Goebbels - la ministro de la propagandado kaj amaskomunikado de Hitlero- laŭ kiu oni devas tiom grande mensogi ke nekredantoj iom dubi pri tio ke eble iom enestas vero en tiu mensogo! Hieraŭ en irano estis ŝtata festo kaj popola foresto!

Ĉu vi povas diveni jena foto pri kio temas?

sen ajna klarigo

Pri la revolucio en irano multaj esprimis siajn opiniojn sed la plej interesa, ĝusta kaj aktuala estas de s-ro Ezzatollah Sahabi -membro de la revolucia konsilo- kiu diris: "Dum la revolucio Oni sciis kion ne deziras SED oni ne sciis kion deziras" ...
Laŭ mi estas ora frazo pri "islama revolucio de irano" kaj oni ne povas tiom klare priskribi la aferon!

Je la 11-a de februaro 1979 disfalis la reĝa reĝimo en irano kaj "islama revolucio" venkis. Nun post 29 jaroj oni ne plu "festas" kaj nur la registaro festas la datrevenon de tiu "venko". Mi trovis jenan poemon de fama irana satiristo Hadi Ĥorsandi(Khorsandi) kiu priskribas la farton de ni irananoj (la poemo estas ne tradukebla kaj mi pardonpetas al tiuj kiuj ne scipovas la persan sed bonvolu kompreni ke al mi ne estis evitebla preterpasi la poemon!):

هادی خرسندی

انقلابی کردم و شد غرق ماتم کشورم          خاک عالم بر سرم
تازه فهمیدم بلانسبت که خیلی هم خرم          خاک عالم بر سرم

همچو مرغی پر کشیدم از قفس، جان خودم!    حال آسوده شدم!!
هم قفس شد تنگتر، هم کنده شد بال و پرم!       خاک عالم بر سرم

حکم کردندم بگویم «مرگ بر شاه» آن زمان     گفتم و کردم فغان
شاه مرد و من به مرگ خویشتن هم حاضرم!     خاک عالم بر سرم

حکم کردندم بگو «الله اکبر» روی بام              رفتم و گفتم مدام
حال، بی «الله» مانده، زیر بار اکبرم!              خاک عالم بر سرم

....

ای که پرسی روزگارم غرق وحشت یا غم است؟     وحشت و غم باهم است
خشتک خیسم ببین، بنگر به چشمان ترم                خاک عالم بر سرم

Legu la originalon kaj "kompleton" en la sube menciita adreso

http://www.asgharagha.com/archives/001762.php

Venis sen ajna rideto sur sia buŝo/Tute serioza/Por krei sian utopion/Promesis paradizon/La rezulto estis infero ...
Nia koŝmaro daŭras kaj murditmanĝantoj multas...
 

Kiom malplaĉa novaĵo aŭdi forpason de Claude Piron kiun antaŭ 4 monatoj mi renkontis kaj mi havis ŝancon ĉeesti en lia verŝajne lasta leciono. Li estis tiom plenenergia kaj vivoplena ...
Nun al Esperanto komunumo mankas io ne rekompencebla ...

Estas mortinta tiu kiun ne bone oni rekonas

Nekredebla kaj ŝokiga evento hodiaŭ pensigis min:
"Proksime al Tehrano, survoje inter du aŭtoj okazas akcidento. Unu el la aŭtoj estis bankaŭto portante monbiletojn kaj en la alia aŭto estis juna civitano. La ŝoforoj estis forte vunditaj, dumtempe alvenas buso plene da pasaĝeroj kaj ĝi haltinte la pasaĝeroj anstataŭ helpi la vunditojn kolektas monbiletojn kaj poste eskapas per la buso. Unu el la vunditoj -tre juna homo- mortas kaj la aliajn post horoj la polico savas ..."
La originalan novaĵon en la persa oni legu en la jena adreso:

www.jahannews.ir/pages/view.php?id=21834

Kio okazis al ni? mi demandas min mem ...

Mi fartas malbone ...

Kaj hazarde jenan poemon de Furug Farroĥzad(irana poetino) mi rememoras:

Mi kompatas ĝardeneton

Neniu pensas pri floroj
Neniu pensas pri fiŝoj
Neniu emas kredi ke ĝardeneto estas mortanta
Ke koro de ĝardenet’ sub la suno ŝvelintas
Ke memoro de ĝardenet’ malrapide
el verdaj memoraĵ’ malplenotas
Ke sento de ĝardenet’
Kvazaŭ estas iu abstrakta kiu en izolo de l’ĝardenet`
Jam estas putrita
Nia korto solas
Nia korto oscedas
Atendante iun pluvon ne konatan
Nia baseno malplenas
Steloj malgrandaj senspertaj teren falas
El arbaj altec’
Tra fenestroj palaj de fiŝ-domoj alvenas
Voĉo de tuso nokta tempe
Nia korto solas

...

Antaŭ 1368 jaroj la filo de imamo Ali - Hosein - kontraŭis tiaman reganton de la islama mondo kaj li, kiu intencis eniri la urbon Kufe(en nuna Irako) laŭ la invito de Kufeanoj, por esti ties reganto kontraŭ Yazid(la tiama reganto) dum voje estis atakita flanke de Yazid soldatoj kaj oni mortigis Hoseinon kune kun lia kunularo. Estis katastrofo kaj ne bona afero. Imamo Husein pro tio kontraŭis al Yazid ĉar li ne observis "veran islamon". En islama mondo "ŝijaistoj" ĉiu jare je la tago de la mortigo de imamo Husein okazigas ceremoniojn. Oni sin batas kaj tiel esprimas sian respekton al li. Laŭ mi tion kion oni faras unu vorte estas pura frenezeco kaj vera masoĥismo.
Menciindas ke la plej multo da islamanoj ne aprobas tian ceremonion kaj nur ŝijaistoj okazigas tiun kondolenc-ceromonion.
Mi pensas ĉu imamo Hosein povus esti kontenta pro la ago de sia sekvantaro? Mi kredas ke NE!
Ankoraŭ regas frenezeco kaj ŝajnas ke masoĥismo havas fundajn radikojn ...
Dum oni ne kompatas sin ĉu povus kompati la aliajn?
...
Estas ĉagrena afero kaj mi ankoraŭ ne sukcesis kompreni la aferon, bonvolu ne klopodi kompreni la aferon estas ne simpla afero.

Jen kelkaj fotoj:

www.ipernity.com/doc/reza.torabi/album/47322

kaj:http://www.lajvar.se/images/ashoora.htm

www.karbalanews.net/artc.php

Atenton!

Se vi havas kordolon preterlasu spekti la fotojn

Dum lastaj semajnoj kelkaj legantoj de tiu ĉi retnoto al mi privatmesaĝis "kial vi ne forlasas vian landon dum vi suferas malagrablajn kondiĉojn ĉirkaŭ vi tie?" Fakte mi povis pli facile fuĝi de mia lando kaj "komforte" loĝi en iu alia mondparto, sed estis kaj daŭre restas kialoj, pro kiuj mi preferis ĝuste resti en mia gepatra lando.

Laŭ mi, nuna situacio de irano similas al patrino kiun oni agrese seksatencis, ĉu indas forlasi la patrinon pro tiu ke malgraŭ ŝia deziro oni malĉastigis ŝin? Laŭ mi, irano estas "okupita" kaj estas grandega diferenco kaj distanco inter la regantoj kaj la ordinara loĝantaro, kaj ĝuste pro tio la reĝimo uzas sian tutan potencon por "kontroli" la popolon kaj "gvidi ilin al la rekta vojo".

Krom Norda Koreio ĉu ekzistas reĝimo sur la tero kiu kontrolas sian civitanaron kiel sin vesti? Ĉu tio ne pruvas ke estas diferenco kaj distanco inter la regantoj kaj regatoj en irano? Ili diras ke pro la lanĉo de la islama leĝaro ili tiel agas, se tio estos fakto, do post 1400 jaroj irananoj ankoraŭ ne bone islamaniĝis kaj havas "problemojn" kun tiu islamo!aŭ estas diferenco inter la islamo de la regantoj kaj la popolo! ...

Mi ne intencas forlasi mian patrinon dum ŝi suferas dolorojn ...

Antaŭ hieraŭ 13 homoj estis ekzekutitaj en irano. Laŭ la raportoj de la organizaĵo de homaj rajtoj, Irano laŭ la loĝantaro okupas la unua rangon je la mortpuno kaj ekzekuto en la mondo kaj postsekvas ĝin Ĉinio kaj Usono. Dum lastaj jaroj pli kaj pli multiĝas ekzekutado en Irano kaj eĉ okazis ke oni ekzekutis homojn malpli ol 18 jaraĝaj ...
Kiel simpla civitano irana mi rimarkas ke en nia socio perfortado kaj krimado pli kaj pli kreskas kaj la sovaĝeco de la krimoj atingas novajn horizontojn. Severeco diversaspekte pli kreskas kaj ŝajnas ke ekzekutado, severeco kaj perforto kreas ciklon ne elireblan en kiu homoj suferas kaj suferas.

mortpuno en irano

Vidu la ekzekuta ceremonio kiom da spektantoj havas ...
Katastrofo ĉu ne?
Kun tiuj ventoj kiujn oni semas kian tondron oni rikoltos?