Esperanto-Muzeo en Svitavy (Ĉeĥio) krom la daŭra ĝenerala ekspozicio pretigas ĉiujare novan teman ekspozicion - la nuntempa , daŭranta ĝis la 15-a de septembro, temas pri kolektado (vidu www.ipernity.com/blog/181031/806146).
La 26-an de septembro 2015 okazos inaŭguro de la nova ekspozicio
sub la temo "Kun Esperanto ĉirkaŭ la mondo" aŭ "Alternativaj manieroj de ekkonado de fremdaj landoj kaj kulturoj".
La temo celos almenaŭ parte respondi i.a. al la demando:
Kiugrade vere Esperanto peras ion alian aŭ pli valoran ol kutima vojaĝado
(ĉu individua, ĉu kun vojaĝagentejo)?
La kolektitaj materialoj servos ne nur por fizika ekspozicio, sed parto estos ankaŭ disponigita surrete aŭ utiligita por gazetartikoloj (ĉu ĉeĥ-, ĉu esperanlingvaj).
Ni celas akiri kontribuaĵojn laŭeble el diversaj landoj.
Aparte serĉatas:
a) per retmesaĝa formo:
1) fotaĵoj (kun mallonga trafa priskribo - max 6 linia - kun indiko de nomoj kaj devenlandoj de persono(j) surfote) - pri interesa travivaĵo/situacio/aktiveco, kiun vi spertis aŭ nekutima bela loko, kiun vi vizitis dum vojaĝado pere de Esperanto /ĉu individua, ĉu dum iu aranĝo/
Limdato: ĝis la 15-a de septembro !!
(pli poste venonaj utiligeblos virtuale)
2) mallonga rakontado (ĉ. 1 paĝa) pri io interesa/inspira, kion vi eksciis/spertis pri la mondo pere de Esperanto (vojaĝante, korespondante, legante)
Limdato: prefere ankaŭ ĝis 15.9. sed eblas ankaŭ pli poste, laŭeble ĝis 31.12.2015
(krom utiligo por artikoloj estos - kaze de sufiĉa kvanto de materialo- pretigita kolekto disponigita interrete)
3) publikigeblaj sonregistraĵoj kun esperantlingvaj registraĵoj de popolkantoj de diversaj landoj kaj mallongaj amatoraj videoj (esperante paroligitaj aŭ subtekstigitaj) pri vidindaĵoj aŭ kulturo de diversaj landoj
Limdato: same kiel ĉe la punkto 2) - la materialoj uzeblos ankaŭ por la muzea retejo kaj tiu ĉi Ipernity-paĝo
RETKONTAKTO: muzea.ekspozicio@gmail.com
b) en fizika formo sendata per klasika poŝto:
turismaj informoj en Esperanto (diversaj flugfolioj, informbroŝuroj, bildkartoj k.s.) pri urboj kaj memorindaĵoj
- estos ne nur ekspoziciitaj kaj envicigitaj en la muzean kolekton,
sed sekve ankaŭ skanitaj kaj publike disponigitaj en Interreto
pere de la muzea paĝo ĉe Ipernity kaj informe en Facebook
Poŝtadreso: Esperanto-Muzeo, nám. Míru 81/1, CZ-568 02 Svitavy, Ĉeĥio
Viaj pliaj ideoj kaj iniciatoj rilataj al la temo bonvenas!
Pri la ekspozicio ni informos vin pervorte kaj perfote en tiu ĉi nia paĝo.
Ni antaŭdankas por via kunlaboremo kaj antaŭĝojas viajn kontribuaĵojn,
kiuj faros nian projekton pli bunta kaj pli interesa por la publiko.
Amike
Pavla Dvořáková, ekspoziciestro kaj prizorganto de tiu ĉi muzea paĝo
Articles by Esperanto-Muzeo en Svitavy
Ke Svitavy indas je via vizito, montras profesia filmo, dublita nun al Esperanto!
-
La urbo Svitavy, situanta en centro de Ĉeĥio, estas ekde 2011 oficiala sidejo de Ĉeĥa Esperanto-Asoc…
-
09 Oct 2015
L.L.Zamenhof - Letero pri la deveno de Esperanto
-
Omaĝe al la Tago de Esperanto, rememoriganta pri apero de la unue lernolibro de Esperanto (la 26-an…
-
27 Jul 2015
See all articles...
Authorizations, license
-
Visible by: Everyone (public). -
Attribution + non Commercial + share Alike
-
1 343 visits
Kontribuaĵoj por nova muzea ekspozicio "Kun Esperanto ĉirkaŭ la mondo" serĉatas!
Jump to top
RSS feed- Latest comments - Subscribe to the feed of comments related to this post
- ipernity © 2007-2024
- Help & Contact
|
Club news
|
About ipernity
|
History |
ipernity Club & Prices |
Guide of good conduct
Donate | Group guidelines | Privacy policy | Terms of use | Statutes | In memoria -
Facebook
Twitter
Sign-in to write a comment.