Kie estas tiuj Esperanto-parolantoj? (H-O)

La membro-etikedoj ĉi tie malaperis!!! Aha, vi prilaboras ilin, ĉu?
Kiel vi volas alfabetigi ilin - ja kiam novaj esperantistoj aliĝos oni bezonos ege reverki la listojn!
Ĉu tiel malfacilas ke ĉiu esperantisto enskribu vorton "Esperanto" en sian profilon? Ankoraŭ nur 48/102 faris tion. :-/

Ne, mi tute ne prilaboris. Mi ne scias, kio okazis. Sed vi pravas: mi ne povos konstante serĉi kaj adapti la listojn. Ke ĉiu skribu la vorton Esperanto en sia profilo estas certe la plej facila rimedo. Eble ĉiu avertu siajn proprajn konatojn, kiuj ankoraŭ ne havas la vorton tie.

Jes, sed ofte iu estas konato de multaj membroj kaj tiel estos avertota multfoje. Se vi havas ĉiujn esperantistojn en via kontaktlisto mi pensas oni povas sendi mesaĝon al ili samtempe.

Ipernity ĵus respondis, kaj diris, ke mi trovis cimon. Se oni forigas unu membro-etikedon, ĉiuj foriros post kelkaj minutoj. Mi ŝajne estis la sola persono, kiu iam forigis membro-etikedojn (ĉar mi volis ĝin aldoni el alia el la tri priaj artikoloj...). Oni solvos tion morgaŭ...

Interese, ĉu Ipernity ankaŭ ne povus aŭtomate aldoni vorton Esperanto en profilojn de tiuj, kiuj uzas la Esperantan fasadon! :-P

Mi trovis alian cimeton - en mia ludlisto unu titolo estas tranĉita ĝuste en la loko de ĉeĥa unikoda litero - kaj tial tiu litero estas difektita kaj aspektas kiel kadrateto. Tio certe ne gravas, sed se iu volus solvi tion.... preterpase la titoloj en ludlisto povus esti pli longaj, ĉe mi preskaŭ triono de spaco estas maluzita. Ĉu mi skribu al Ipernity programistoj?

Jes, mi rimarkis tion. Estas malbonŝanca hazardo, kiu verŝajne tre malofte okazas. Sube de ĉiu paĝo estas ligilo "Raporti cimojn". Vi povas skribi tien.

Mi raportis (angle) tion, sed ne ricevis respondon - krom la fakto, ke la cimeto malaperis! Mi ankaŭ demandis, ke la longeco de fortranĉitaj titoloj estu komputita laŭ nombro de veraj literoj, ne bajtoj de UTF-8 ĉenoj - ankaŭ plenumita. Bonege!
Ni havu iom post iom aliajn pli gravajn ideojn por plibonigi Ipernity. Ni ja estas betatestantoj, ĉu ne?

Nu jes, mi havas la impreson, ke ili vere atentas ĉiujn sugestojn. Aliflanke ili certe ricevas amason da rimarkoj kaj petoj, kaj ne povas solvi ĉion samtempe.