Neniu ĉi tie reagis al la sanga atako kontraŭ la kopta preĝejo en antaŭurbo de Alexandria en Egipto. La bombo forŝiris 21 homajn vivojn kaj vundis kelkdekon da ĉeestantoj.
La polico, kiu devus trovi la murdistojn, preferis tamen zorgi pri la "ordo", t.e. perforte subpremadis la koptojn, kiuj ĉi-foje protestis kontraŭ la buĉado.
La silento de la Okcidento rimarkindas. La koptoj estas ja eta komunumo kies sorto ja estas formorti aŭ formigri, do malaperi. La ekskristana plejmulto de la okcidentanoj havas neniun senton de aparteno al io ajn komuna kun la kristanoj en la islamaj landoj.
(Kaj tute parenteze: oni ial ajn forgesas, ke la koptoj estas ja la landidoj en Egipto. Tamen oni volonte ĵonglas per la difinoj "pli praa" kaj "malpli praa" se temas pri la tute najbara landaro).
Ni loĝas en la mondo de kvantaj rilatoj. La plejmulto vivu, la malplimulto malaperu.
Kiam la kvanta interrilato de la islamanoj kaj neislamanoj en la Okcidento ŝanceliĝos favore al la unuaj, la nuno de la koptoj iĝos la morgaŭo de ĉiuj, kiuj preferas silenti hodiaŭ.
La afero - libereco kaj homaj rajtoj en islamaj landoj - ne estas facile solvebla, sed bona komenco devus almenaŭ esti komenci paroli pri tiuj ĉi aferoj.
En la Mezoriento troviĝas unu demokratia lando - Israelo. Maldekstruloj multe laboras por paco, sed bedaŭrinde ili multajn aferojn faras mise. Unu afero estas ilia ŝatokupo ĝisdetale analizi tiun ĉi ununuran veran demokratian landon mezorientan. Ili asertas ke Israelo ne estas lando "por ĉiuj siaj enloĝantoj" kaj ke en Israelo troviĝas "diskriminacio surbaze de etneco kaj religio". Nu, ne temas pri tio ke Israelo estus perfekta lando. Tutcerte tie troviĝas mankoj kaj tiujn aferojn oni ja kritiku enkadre de la parollibereco. Sed la plej ĝena afero estas ke la maldekstruloj agadas per duecaj normoj. Oni ĝisdetale analizas Israelon, sed tute silentas koncerne tiajn malbonajn cirkonstancojn en ekz. Egiptio.
La silentado estas tre malbona kaj tiu silentado kompreneble ne nur koncernas la maldekstrulojn. Mondaj politikistoj kaj estroj ankaŭ silentadas. La afero ne estas facile solvebla, sed oni almenaŭ povas komenci per paroli pri tiuj ĉi aferoj.
Kiam la sangversado pli alproksimiĝos, okuloj "tuj" malfermiĝos.
Jes ja, ami la malamikon. Tamen diri al li la veron.
Jes ja, la humiluloj heredos la teron. Ne la kaŝantoj de la vero, nek dirantoj al la malbono: "okazu!".
La 21 gekoptoj pereintaj antaŭ semajno estas ja martiroj de la obskura nuntempo.
"Ne zorgu! Kiu nun ankoraŭ memoras la armenojn?" - Hitler
2. Vidu mian unuan punkton. Nur lastatempe en la usonaj novaĵoj oni denove mencias Darfur-on, ĉar ili nun voĉdonos por decidi se ili iĝos aparta lando el Sudano. Dum kiom da jaroj post la konflikto tie oni menciis nenion?
3. Antaŭ 20 jaroj mi havis kolaboranton el Egipto. Ŝi havis ege tradician egiptan nomon--Isis. Post kelkaj monatoj, ni konversaciis iom pli longe kaj profunde. Ŝi diris, ke ŝi kaj ŝia familio estas kristanoj--koptoj. Evidente oni minacis ilin en Egipto tiam. Ŝi diris ke tiam, islamaj teroristoj iris al lernejoj kun aŭtomataj pafiloj kaj diris "Kiuj lernantoj tie ĉi estas kristanoj?", kaj poste prenis ilin eksteren kaj mortpafis ilin. Tio ankaŭ neniam atingis la usonajn novaĵojn.
Sign-in to write a comment.