Hans-Georg Kaiser
Esperanto kaj espero

Se vi sidas en mizero
aŭ en speco de infero,
sen eĉ ŝanc' pri kariero,
nutras tamen vin espero.

Sen espero sur la Tero
estus via viv' infero.
Tial, homo, dum mizero,
estas eliksir' espero.

Esperanto pro espero
estas el simila sfero.
Flor' espero, plant' de l' Tero,
kreskis el provincmizero.

Esperanto sen despero
estos tute sen mizero.
Ne necesos plu espero
por sukcesa kariero.

https://cezaroriginaloj.blogspot.com/