Hans-Georg Kaiser
Ĉineca evoluo
post sufiĉe da Mao
la mamismo,
kaj el tiu debranĉiĝis
tute logike la
mamonismo.
Poste venos
certe ankoraŭ
la majo-ismo,
la melonkapa ismo,
la miaŭ-ismo kaj
la muĝ-blek-ismo.
Ĉu iam ekzistos
ankaŭ sen-ismo?
Mi pensas, ke jes:
je tiu malproksima tago,
kiam pereos la mondo.
Eventuale
eĉ iom pli frue,
se la homoj
fariĝos malpli
imitemaj kaj
pli solidaraj
ol ĝis nun.
PS:
cezaroriginaloj.blogspot.de
Mao eble pensis: La mi-ismo estas la plej bela ismo, bela imperiestrismo, sed se mi dirus tion laŭte, ili ne akceptus min. Prefere mi asertas, ke mi tute ne pensas pri mi, nur pri la bonfarto de la ĉina popolo, ke mi agas nur por ili. Sed azenoj ili tamen estas. Ili nomas nian kion ajn-ismon laŭ mia nomo kvazaŭ temus efektive nur pri mia Mao-mi-ismo:). Ĉu tiu fibando eventuale eĉ mokas min per tiu nomo???
Sign-in to write a comment.