Group:  Mac kaj Esperanto

Ĵus aperis la unua ludo en Esperanto por la Apple-produktoj iPhone, iPod Touch kaj iPad, tamen kun angla nomo: Word Race. Ĝi estas nekutima ludo pro tio, ke oni ludas grupe kun amikoj anstataŭ sole.
Oni devas klarigi vorton al sia teamo sen uzi la malpermesitajn vortojn. Ekzemple, se la vorto estus "barbo", oni ne rajtus diri "haroj" aŭ "Zamenhof". La teamo, kiu plej rapide klarigas siajn vortojn, venkas!

La provludo senpagas, sed per lanĉ-oferto oni povas aĉeti la ĝeneralan vortpakaĵon kontraŭ 2,39 eŭroj (kutime ĝi kostas 2,99 eŭrojn). Poste la programistoj planas eldoni ankaŭ vortpakaĵon nur pri la Esperanto-kulturo.

La ludo aĉeteblas en la reta vendejo de Apple, “App Store”. Estas ligilo de la retejo www.wordraceapp.com.

(Surbaze de komuniko de Chuck Smith)