Muzikvideo "Al barikadoj !" de JoMo kaj Liberecanoj / Video de "¡ A las barricadas !" JoMo y Libertarios (version esperanto, español, français)

Bonega iniciato!

realigis tiun videon JoMo mem, li ĵus sendis ĝin al mi por prezenti ĝin en niaj paĝoj ĉi tie, ĉe Myspace, EUROKKA kaj Vinilkosmo...ktp...
Amike salutas
Flo !

Manolo pravas - la bonega iniciato! DANKON.

necesos danki JoMon , li mem faris la muzikfilmeton ... aliaj filmoj de liaj kantoj spekteblas ĉe la retejo de Jacques Baratie esperantretfilmoj.blogspot.com (Ĝelem ĝelem, la bambo, ĉu vi volas danci)

Brue, senmelodie. Eksmodege.

Nu necesas muzikoj por ĉiuj gustoj kaj emoj.. ne ĉiuj muzikstiloj povas plaĉi al ĉiuj ...
Kio povas ŝajni al vi harmonia, melodia kaj moda povas esti por alia brua, senmelodia kaj eksmodega...aŭ ankaŭ tute enuiga por alia... vasta debato senfina.... Tiom da homoj, tiom da ŝatoj kaj gustoj...

Brue, jes. Eksmodege, laŭopinie. Sed senmelodie? Ĝi estas unu el la plej rekoneblaj melodioj en la hispanlingva mondo!

Tiu melodio estas rekonebla eĉ ekster hispanlingva mondo, ĝi estas konata kanto ĉie kie oni iam revis pri pli justa mondo kaj suferis la militistan puĉon de 1936, ĝian postan militon kaj ties terurajn sekvojn.

Idaro de tiuj kiuj perdis la militon de Hispanio, kaj suferis persekuton, dankas ĉiun ajn memoraĵon, rekonon kaj subtenon. Dankon JoMo!

Dankon pro la ligilo! Melodio devenas de pola, revolucia-laborista kanto "Warszawianka" (La Varsovia Kanto) kaj havas ŝanĝitan tekston.

Prave! Vi ĵus memorigis min, ke mia patro nomis la kanton "la varsoviana".

Bonege brua! Vivu la brua muziko! Tremu la mondo per ĝi!!! >:-)

povo laboristaren!

Dankon Jomo

Finfine "Al la barikadoj" en Iper! Kompreneble bonega iniciato, Flo - gratulojn! Tutanarkiiste kaj amike!

Bonega! Vivu JoMo! hulll!

Bruon mi bezonas! Jea! ;-)

Saluton Kato !
Dankon pro via komento kaj (relativa) intereso. Lau mi, vi pravas dufoje kaj eraras unufoje :

Brue : Jes, certe estas la celo, kamarado ! Sed tamen mi pardonpetas ke la agresemo (relativa, mi konas ege pli agreseman muzikon) de la muziko malpermesis viajn nemilajn katajn orelojn komforte jughi la gitaran parton faritan de Puej Bertrand, kiu bonegas kiam oni bone spertas pri gitarludo (Mi elvokas la epokon, kiam la homoj scipovis ludi gitaron, kompreneble).

Senmelodie : Nur kato povas respondeci pri la fakto ke "Warszawianka" estas senmelodia melodio. Ghi trairis la tutan mondon kun tekstoj en multaj lingvoj. Se kanzono havas au ne melodion oni jughas kantante (au provante kanti) ghin sub dusho. Provu hodiau mem. Flanke, vi povas ne shati la kantmanieron, kiu povas fushi au malevidentigi lau vi la melodion, mi tute konsentas, sed melodio vere ekzistas kaj estas unu el la cent plej belaj de la mondo !

Eksmodege : Jen la chefa laudo ! Dankon ! Ni ne surbendigis tiun kanzonon por ke la homoj dancu sur ghi tektonikon (kvankam tektoniko jam estas eskstermoda lau mia filino) au ke oni ludigu ghin en modaj komercaj radio-stacioj. Sed eble vi mem shatas nur "modan" muzikon (Estus malkomplimento por vi), kaj do, tiukaze tio ne estus komplimento por ni. Aldone, chu vi scias, ke ni surbendigis ghin antau pli ol dek jaroj ?

Konklude mi dirus, ke statistike ekzistas multege pli da kanzonoj kiujn oni malshatas ol kiujn oni shatas. Do, se via celo estas viziti la tutan reton por mallaudi muzikon kaj fivortumi la laboron de muzikistoj, bonan kuraghon al vi ! Mi konfesas, ke mi tutsame faris kiam mi adoleskis kaj estis punkulo (ne sur la reto sed sur strato, kompreneble), do eble vi estas juna kato kaj mi komprenas vin ;-)
Ghis relego,
Amike,

j O m O

Memorigas al mi miajn gimnaziajn jarojn :-)
Tamen la "direkta" demokrato estos la venonta granda progreso por la homaro...
(sed kiam ? eble en dek mil jaroj, kiel en la kanto de Léo Ferré - fama anarkista kanto en Francujo)