Muzikvideo "Maĥnovŝĉino" de JoMo kaj Liberecanoj / Video "MAKHNOVCHTCHINA " de JoMo & Libertarios

JoMo - ĉu Vi ne audis ke Leo Tolstoj, la mondkonata rusa verkisto kaj autoro de la tradukita en Esperanton verkego: Milito kaj paco, anoncadis du gravajn ordojn: 1. pardonadi al ĉiujn kaj 2. malkontraustaradi al malbono per perforto??? Kiucele, do, en ĉi tiu filmeto estas ankau ĉi tiu GRANDA RUSO - Lev Tolstoj? Kaj krome, Leo Tolstoj ne ĝisvivis la oktobran revolucion de 1917 jaro!!! Kaj krom tio, certe vi scias, ke dum ĉi tiu revolucia milito kaj dum la enlanda milito ĝis la jaro 1920 en tiama Rusujo pereis pli ol 20 MILIONOJ da H O M O J!!!

Kara Stanislao,
JoMo ne havas Ipernitian paĝon kaj do mi sendis al li vian komenton kaj li ĵus respondis ...mi aldonas lian respondon al vi ĉi sekve :

Saluton Stanislao !
Mi dankas vin pro intereso al tiu bildprezento. Vi havas du interesajn demandojn pri la fotoj de Tolstoj kaj Trockij. Jen kial mi enmetis ilin :

- Lev Tolstoj tute ne partoprenis la ukrainan revolucion konatan sub la nomo "Maĥnovŝĉina", sed mi pensis ke lia personeco influis ĝin. Tolstoj estis : anarkiisto (li influis Chulkov), kontraŭarmea, pacisto (li interskribis kun Gandhi), religia sed malfidis en la ortodoksa eklezio kiu lin forĵetis, vegetarano kaj ĉefe esperantisto. Ĝis nun li estas la plej grava tutmonde konata personeco kiu diris ke li lernis esperanton "post du horoj". Estis li kiu volis doni siajn bienojn al la kamparanoj kiuj rifuzis. Pro tiuj kialoj mi pensas ke li meritas esti menciita. Ankaŭ mi ŝatas pensi ke oni povas esti religia kaj anarkiisto. Mi ne estas kredanto sed mia edzino jes, do ekzistas spaco por interkompreno.
Krome, la du frazoj, kiujn vi citas, estas certe influitaj de lia kristana pensmaniero (se oni frapas vin sur vangon, donu la duan)

- La dua Lev T. (amuze) partoprenis la eventojn de tiu periodo. Li kreis la NKVD-on, (pli frue Cheka), aŭ se vi volas rusa Gestapo. Li estis ĉefo de la ruĝa armeo. Lia taktiko estis uzi la anarkiistajn batalantojn kontraŭ la tzaristoj kaj poste aresti ilin kiam "blankuloj" (la tzaristoj) forfuĝis tra nigra maro (kolora bela kontrasto). ĉiam la anarkiistoj de la ribela armeo hezitis inter fidi lin aŭ ne. Malfeliĉe ili lin fidis unumomente. Lev Trockij estis kontraŭ-revoluciulo, kies nura gloro entenas en tio, ke oni lin murdis sub ordo de Stalino.
Laŭ via lasta frazo, mi timas, ke vi pensas ke tio bildprezento estas glore al la soveta revolucio. Mi povas vin trankviligi : la ukraina revolucio de la ribela armeo celis instali memestran kaj liberecan socion, la soveta armeo destruis tiun esperon kaj plifortigis samtempe la premon de Ruslando super Ukrainio.
Ĝis baldaŭ kaj dankon pro via intereso !
Amike,
j O m O

Bonvolu spekti: www.ipernity.com/doc/farri/2631519

Dankon Farri.. pro la komplementa dokumento !
Perfekte !
Flo !

Teĥnikaĵo - mi ne sukcesas ŝarĝi sufiĉe rapide la filmon, por komforte ĝin spekti. Mi ne la unuan fojon tion spertas pri filmoj de YouTube, kaj ne nur de mia hejmo. Ĉu aliaj spertas simile?

Mi tute ne havas problemojn por ŝarĝi la filmon rapide... povas esti ke pri tio kulpas ĉu via konekto ĉu via komputilo.. mi ne fakas pri tio... certe Farri pli kompetentas pri tiuj teknikaĵoj...
amike
Flo !

Unu el miaj plej ŝatataj versioj de "Maĥnovŝĉino", ĝuste farita de JoMo kaj Liberecanoj! Dankon, Flo!!!

Certe vi pravas Lukaso !
ne dankinde.. ;-)
ĝis !
Flo !

Bonega ! Mi fane observas la karieron de JoMo! Gratulojn!
;-)))

Nu do tiu muziko venas el unu el siaj unuaj diskoj eldonita en 1998 !
kiam lia bando Liberecanoj sonis vere roke... ;-)

Mi ŝatis la muzikon, kaj la revolucian etoson, sed tio kion mi plej ege ŝatis estis la bildoprezenton, kaj precipe la bildo de Bart kaj Lisa portante la ruĝan-nigran flagon! Ĉu tiu bildo ekzistas ie enrete enŝutebla?

Simono, dankon pro via komento.. mi sendis ĝin al JoMo kaj li sendis la bildon de Bart & Lisa por vi .. se vi indikas al mi vian retadreson mi sendos la bildon rekte al vi..
Plej muzikamike salutas
Flo !

Ankaŭ mi, konvinkita anarkia marksisto, volus havi la bildon. Ĉu vi povus sendi ĝin ankaŭ al mi? Ke la komunistoj subigis kaj parte eĉ pafmortis la anarkiistojn, estas unu el la plej sangaj ŝercoj de la monda historio, sed kion fari? Tiel estis kaj certe foje plu estas. La plej multaj komunistoj ĝis nun ne ekkomprenas, kia tragiko tio estis, bedaŭrinde. Sed libera socio kun gvidantoj neniam eblos. Pri tio Bakunin, Kropotkin kaj Maĥno tute pravas.Nur se la pesto de l' aŭtoritato, kiu regas en ĉiuj partioj, foriĝos, ni povos esperi pri socio, en kiu laŭ la manifesto de Marks "la libera evoluo de ĉiu estos la bazo por la libera evoluo de ĉiuj."

Al JOMO kaj lia simpatia bando mian specialan dankon pro tiu bonega himno!


Viaj Cez!