Mi havas nevon, kiu nur estas 17-jara kaj estas studento en iu universitato. Iufoje mi babilis kun Trigo(Peng Zengming el Wuhan) rete pri la instruado de Dennis en la urbo Haikou, subite alvenis al mia kapo ideo: mi volis ke mia nevo ĉeestu la kurson de Dennis. Mia frato tuj konsentis, ke mia nevo flugos al la urbo Haikou kune kun mia filino. Sed finfine, estis mi, kiu akompanis ilin al la urbo, ĉar miaj gepatroj maltrankviliĝis pro tio, ke ilia nepo unuafoje vojaĝos malproksime.
Antaŭ nia foriro mi venigis mian nevon al mia hejmo, ne multe parolis pri Esperanto, nur demandis al li, ĉu li bone scipovas "PINYIN"? Jes, li respondis. Mi prenis libreton kun multaj bildoj kaj instruis 6 literojn ĉapilitajn al li. Mi diris, ke li povus prononci aliajn literojn tute laŭ la maniero de "Pinyin". dek minutojn poste li jam povas bone voĉlegi la vortojn. "Hejmeniru kaj revenu al mi postmorgaŭ, ni flugos al la urbo Haikou", mi diris al li.
Mi ne troigas Esperanton al li, nur diris, ke Esperanto estas bona komunikilo, se vi interesiĝas, lernu ĝin. se ne, lasu ĝin.
Kiam ni eniris en la kurson, ili jam lernis 12 lecionojn, dum la unua mateno la kapo de mia nevo estis turnita, Dennis tute ne zorgis pri li komence, sed mi ne povas ne esprimi mian admiron kaj surprizon. Posttagmeze mia nevo neatendite levis sian manon por paroli la frazojn: mia cxemizo estas blanka, mia pantalono estas blua, miaj sxuoj estas nigraj... 4 tagojn poste li jam povas paroli simplajn frazojn en Esperanto kaj parolis 3 minutojn laŭ la bildo, 7 tagojn poste eĉ iomete babilis kun Dennis.
Li tre ĝojas eĉ fieras pro tiu vojaĝo al la insulo Hainano. Sur la vojo de la flughaveno al la hejmo mia nevo subite demandis al mia edzo en Esperanto: ĉu vi estas laca? "Jes, mi estas tre laca." Mia edzo respondis esperante. "Mi forgesis mian telefonon en la taksio" mia nevo daŭrigis. Tio ege surprizis min. Li nur lernis Esperanton 7 tagojn! Mia edzo ne kaptis la frazon kaj mi ridegis...
Nun li vizitas mian skajp-kurson por dauxrigi sian lernadon. Kelktempe li ĉeestas la voĉkonferencon de Faro. Mi donis du kromnomojn al li por ke li elektu: arketo, Tao (Laŭ lia ĉina nomo), li elektis arketon. Ĉar li aŭdis, ke lia onklino Arko estas fama esperantistino en Ĉinio ^_^
Li kaj mi ege ŝatas la metodon de Dennis. Multaj opinias, ke eksterlandaj instruistoj ne taŭgas instrui al ĉinoj, tio ne estas tute absoluta. Por komencantoj vere ekzistas problemoj kompreni kaj komuniki, sed komence, nur komence. (kompreneble, estus bone se ĉina instruisto helpas.) Tamen la metodo estas bona, la progreso estas rapida.
Pinyin ne facilas por Europanoj, eĉ se ili jam scias esperanton!
Kiam okazis la UK en Bejing, mi deziris lerni iom da ĉina lingvo, kaj tiucele, mi intencis uzi nur pinjinan legadon.
Kiam mi vizitas novan landon, mi kutimas lerni mem iom de la loka lingvo. Sed rilate la ĉina lingvo, mi rapide rezignis, ĉar tio postulis tro da laboro. Ne sufiĉas koni la prononcon de iu definita litero, oni ankaŭ devas scii, ke la prononco dependas pri la literoj kiuj estas antaŭ kaj malantaŭ ĝin....
Pro tio, mi forte dubas ke multaj Okcidentanoj sukcesos sufiĉe bone lerni la ĉinan. Mi havis lernantinon, kies nomo estas Anne-Laure (tute ne pri esperanto) kiam mi estis instruistino en elementa lernejo.
Ŝi eklernetis la ĉinan en gimnazio, kaj pristudis ĝin 3 aŭ 4 jarojn.
Kiam mi revenis el la bejinga UK, mi montriis al ŝi tre simplan ĉinlingvan tekston, kies enhavo estis pli malpli: "Estimataj amikoj, ni estas kongresanoj. Ni bedaŭras ke ni ne kapablas paroli kun vin per la ĉina lingvo, sed ni tre ŝatus se vi kapablus la esperantan, ĉar tiel ni facile povus paroli kun vi".
Tiun tekston tradukis por mi el la esperanta ĉina junulo en la kongresejo.
Sed Anne-Laure, post 3 au 4 jara lernado, ne povis legi ĝin! Eble per la pinjin ŝi povus (mi tion ne scias).
Esperanto estas vere tre valora ilo por interŝanĝi kun Ĉinoj!!!!
Arko has replied to Onagrino (Dominique)…En Ĉino ĉiu studento devas lerni la anglan, sed kiom da personoj kapablas flue paroli angle?
Esperanto vere estas mirinda lingvo, ke ni el malsamaj kontinentoj povas komuniki inter unu la alian.
Sign-in to write a comment.