Vroclavaj koboldoj.

Oranĝkolora Alternativo - komence grupo, poste hepeninga movado, ekestinta en Vroclavo, sed aganta en kelkaj aliaj polaj urboj, prefere en la 80-aj jaro de la pasinta jarcento. Ĝi estis certagrade heredinto de la nederlanda movado de "Provo" kaj de la Partio de Koboldoj. La nomo memorigis la ĉie montratan ruĝon de la politika kaj socia vivo kaj montris ke ekzistas ankaŭ alia koloro.
La Oranĝkoloran Alternativon iniciigis komence de 80-aj jaroj personoj ligitaj kun vroclavaj opoziciaj movadoj, plej ofte ankaŭ el la hipisa movado. Baldaŭ rolon de la estro prenis devenanta el Toruń Waldemar Fydrych, kiu mem nomis sin Majoro kaj sub tiu pseŭdonomo agadis.
La unua

Oranĝkolora Alternativo.

agado de Oranĝkolora Alternativo estis pentrado de koboldoj sur blankaj makuloj kiujn faris la milico forŝmirante kontraŭŝtatajn kaj kontraŭkomunismajn sloganojn pentritajn sur la muroj.Aŭtune de 1987 la O.A. disdonadis la necesejan paperon - kiu tiutempe estis raraĵo preskaŭ neaĉetebla en vendejoj. . Oni ankaŭ organizis kampanjojn okaze de ŝtataj kaj elpensitaj festoj. Jen nur kelkaj el ili:
-Tuboj - fumigado de la urbo (memore al gasoj per kiuj la milico dispeladis manifestaciojn(1-a de aprilo 1986);
- Koboldoj ĉe Świdnicka strato (1-a de junio 1987);
- Neceseja papero - la unua disdonado (1-a de oktobro 1987);
-Tago de Milicano (7-a de oktobro 1987);
- Kiu timas la necesejan paperon? - dua disdonado (15 de oktobro 1987);
- Tago de sekreta detektivo,
- Tago de Virinoj finiĝinta per aresto de la Majoro por 2 monatoj;
- Tago de la Venko (9-a de majo 1988);
- Revolucio de Koboldoj ((1-a de junio 1988) - 15 000 ĉeestantoj;
- Frata helpo ĉiam viva - ie apud la monto Śnieżka - du tagojn antaŭ la invado al Ĉeĥoslovakio;
- Oktobra Revolucio (7-a de novembro 1988);
- Antaŭfesta tago de granda datreveno (12 de decembro 1988 antaŭ la datreveno de la militstato);
- Almozula Karnavalo - 5000 ĉeestantoj (12 de februaro 1990).
Kaj aliaj kiujn mi ne mencias ĉi tie. Ĉiuj ili ne havis iajn ideologiajn tekstojn, ofte estis anarkiaj. La milico ofte interrompadis la okazaĵojn, sed vere - unusola "peko" estis ke la aranĝoj ne estis oficiale permesitaj. Kiel aresti kelkmilhoman amason vestitan je koboldaj oranĝkoloraj ĉapoj? Oni arestis homojn vestitajn ekzemple je sanktanikolaaj vestoj kaj eĉ surhavantajn ion ajn oranĝkoloran.
En la jaro 2001 ĉe la strato Świdnicka en Vroclavo, en la kutima loko de oranĝalternativaj agadoj - apud la subtera irejo kaj horloĝo - Agora - eldonanto de "Gazeta Wyborcza" fondis unuan koboldon
Pri la koboldoj la urbo rememoris en 2005-a jaro. Tiam ap-

Papa krasnal = paĉjo koboldo.

eris kvin unuaj. Ilin projektis Tomasz Moczek - absolvinto de vroclava Belarta Akademio
La koboldoj tuj akiris simpation de Vroclavanoj. Tiel grandan ke kelkaj jam malaperis. Oni devis ilin pli kaj pli forte alkroĉadi al la grundo. Oni parolas ankaŭ pri sendiloj GPS troviĝantaj ene (mi pensas ke estas ŝerco).
Nun - en 2009-a jaro - da koboldoj estas 109 ĝis 126. La cifero ŝanĝiĝas ĉar jen aperas novaj, jen malaperas aliaj.
Mi ĝis nun ne trovis ĉiujn des pli ke multaj troviĝas ene de lernejoj, altlernejoj, naĝejoj ktp. Sed - iom post iom...
Eĉ estas organizataj specialaj porturistaj ekskursoj laŭ la koboldaj vojlinioj.
MI pensas ke tiu mallonga teksto klarigos al la legantoj kaj spektantoj de miaj fotoj esencon de la "koboldiĝo" de Vroclavo.