Ĉu vi ŝatas BILDSTRIOJN en ESPERANTO? ...

Mi komprenis "Kanibalon" nur post lego de la traduko. "Ha, mi prenis vin." estas nekomprenebla francismo por "superruzi, trompi por ke la mensoganta papago neintencite konfesu la veron". Bedaŭrinde ankaŭ multaj aliaj komiksoj sur ceciljakajesperanto.vip-blog.com estas lingve malglataj aŭ plej banale eraraj, vd. ekz. la lastan bildon en "super heroo" (ĝuste unuvorte "superheroo"!). "Tiu[n!] mi ne konis" ktp.
Komiksojn en Esperanto traduki estas aparte malfacile, ĉar la tekstoj devas esti tre koncizaj, ofte en familiara, kvazaŭparola lingvaĵo kun ĵargono, dialekto ktp. kaj kun multaj onomatopeoj. Kaj preskaŭ ĉiuj tri elementoj mankas aŭ estas malpli riĉaj en Esperanto ol en aliaj lingvoj aŭ ne tre konataj de multaj esperantistoj. Se vi ne kredas, demandu al Esperanto-amikoj kiel la koko krias en Esperanto, kiun sonon ŝtona faras falante en akvon kaj kiel la trumpeto trumpetas.