Hans-Georg Kaiser
Vipino

Vipino blonda, tre senpruda,
tra strato iris tute nuda.
La viroj miris stulte gape,
sed ŝia vipo krakis frape.

La belulino kun la vipo
ne zorgis sin pri onta gripo,
ŝi fiajn knabojn batis krude,
volupte, tamen preskaŭ lude.

Ne ĉiuj trovis tion aĉa,
doloro estas ankaŭ plaĉa.
Se belulin' la vipon svingas,
virsklavojn tio eĉ distingas.

Adoras viroj tentajn sinojn
kaj kompreneble fortajn inojn.
Se al virvir' la felo jukas,
sovaĝofloron li sin plukas.

https://cezaroriginaloj.blogspot.com/