PACO KAJ LIBERECO EN TIBETO !

Mia propono estas ke vi mem vojaĝu al Tibeto por propra okule rigardi, ĉu estas paco kaj libereco en la loko.

Kara Zhang! Mi dankegas vin pro via vizito kaj via komento... Eĉ se mi tre bedaŭras la nunajn eventojn en Tibeto, mi tutkore deziras (same kiel la Dalaï Lama) bonan sukceson por la Olimpiadoj en via lando!!! Dank'al esperanto, ni povas (mi esperas...) libere korespondi, kaj nia amikeco ne devas suferi pro politikaj decidoj, ĉu ne? Neniam mi volus ofendi vin ... Mi amike salutas vin elkore el la Nordo de Francio! :-)

Mi tute samopinias kun Zhang. Ekzemple mi tute ne rajtas juĝi tion, mi ekzemple eĉ ne havas tutcertan opinion pri disiĝo de Ĉeĥoj kaj Slovakoj en 1993. Jes, ĝenerale perforto estas malbona, el iu ajn flanko. Vi ĉiuj aliĝu al nia grupo Paco! ;) Kaj ni unue solvu problemojn hejme antaŭ ol laŭtkrii pri tiel malproksimaj lokoj (nun mi parolas ekzemple pri ni Ĉeĥoj). Mi bedaŭras ke ofte mi vidas homojn laŭte kaj konvinkite krii pri io ofte havante nur informojn kaj pli ofte misinformojn el televido. Ankaŭ mi mem klopodu tion ne fari :-) Ĉu vi scias kio amuzigis min dum mia veturo en Ukrainio? Tiu ĉeĥa gvidlibro tra Ukrainio kiun mi havis estis traduko de angla, do ni Ĉeĥoj, Slavoj kies lingvo kaj eble eĉ natureco pli similas al ukraina, legis pri Ukraino tion, kio skribis iu malproksima anglo. Amuze, ĉu ne? Espereble li almenaŭ scipovis ukrainan, ne kiel mi :-D

Estas rajto de ĉiuj popoloj decidi mem pri sia sorto