Jen teleroj, sed mankas apetito.
Jen ringoj, sed mankas reciprokeco
de almenaŭ tri jarcentoj.
Jen ventumil` - kie vangruĝoj?
Jen glavoj - kie kolero?
Kaj liuto ne sonas dum krepuska horo.
Pro manko de eterno oni
kolektis mil malnovajn aĵojn.
Muskokovrita pedelo dormetas
tuŝante ilin per longaj lipharoj.
Metaloj, argil`, birda plumo
multe triumfas en la tempo
Kaŝridas nur pinglo de gaja egiptino.
Krono triumfas super kapo
Malvenkis mano pro la ganto
Dekstran piedon venkis ŝuo.
Se pri mi temas, jen mi vivas.
Daŭras vetkuro kun la robo.
Kaj kia ĝi estas obstina !
Kiel ĝi min travivi volus !
Sign-in to write a comment.