OSIEK-Konferenco en regiona televido

Konferenco de OSIEK, kun ĉi-jara temo "Sci-fi kaj robotoj" okazis 14.-20.7.2012 en Svitavy. Aperis pri ĝi interrete ĉeĥlingva sepminuta televida riporto, elŝutebla ankaŭ el Youtube. Apartan artikolon pri la aranĝo kaj fotogalerion ni pretigas.

En la video vi vidas i.a. specimenojn el la tutmonda premiero de la esperantigita dramo de Karel Čapek R.U.R., kiu estis prezentita kadre de la konferenco. (Samtempe aperis la dramo libroforme en la eldonejo KAVA-PECH). Dum la sama semajno okazis en Svitavy ankaŭ intensa Esperanto-kurso por komencantoj, gvidita de Stano Marček.

fonto: www.youtube.com/watch?v=2tsUv77d9hk