Hans-Georg Kaiser
Biletkontrolo

Vizaĝoj en la tram' dum hor'
rigardas pro lac' kun rifuz'.
Silento frida kun vidvor'.
Evitas min ĉiuj kun ruz'.

Mi estas sen veturbilet'.
Kontrolas antaŭe jam dam'.
„Evitu gapi do al ŝi“,
tamburas kompate la tram'.

„Bileton petas mi, sinjor'“,
postulas de mi la fraŭlin'.
„Ho, kara, kial la fervor'?
Paŭzetu pri via rutin''!

La ino tiras min ĉe l' brak'
„Vi estas, karulo, ne Di'.
Ĉu tio estas via jak'?
Ekstaru kaj venu kun mi!

Mi trotas kiel hund' post ŝi.
Elpaŝas la in' kun plezur',
ridetojn ĵetas ŝi al mi,
sed kien ŝi gvidas min nur?

https://cezaroriginaloj.blogspot.com/