Stultaj Homoj IV "Mi estas lernantino!!"

Ĉi-matene venis nigrula virino al mi en la biblioteko. Ŝi petis de mi, ke mi donu al ŝi la numeron de ŝia biblioteka membreckarto, ŝajne por ke ŝi povus uzi niajn komputilojn.

Mi demandis de ŝi montri al mi identigilon. Ŝi diris ke ŝi ne havis tion. Ŝi diris, "Mi estas nur lernantino." Mi diris, "Do, bone mi devos konfirmi kelkajn informerojn kun vi."

Mi demandis de ŝi ŝian nomon. Ŝi respondis skribe! Ŝi skribis tion surpapere. Mi demandis de ŝi la adreson. Se mi nun korekte memoras, la adreso kiun ŝi donis al mi ne estis korekta. (Tio fakte ofte okazas, ĉar homoj ofte translokiĝas).

Mi ne certis kiom tiu ĉi virino aĝas. Ŝi ŝajnis al mi aĝi almenaŭ 30 jarojn, eble ŝi eĉ pli aĝis ol mi (mi aĝas 38 jarojn). En la profilo de la nomo, kiun ŝi diris al mi, la naskiĝjaro estis 1994. Sendube ŝi estis pli maljuna ol tio. Sendube ŝi uzis la profilon de alia homo.

Mi demandis de ŝi je kiu jaro ŝi naskiĝis. Ŝi diris 1994. Mi diris, "Ĉu vi VERE naskiĝis en 1994?" Mi opiniis ke estis la profilo de ŝia filo.

La ĉefino de la biblioteko hazarde estis proksima, kaj venis al mi, dirante mallaŭte, "Ĉu ĉio estas en ordo?" Mi nur faris strangan vizaĝesprimon por montri ke ne. Ŝi diris al la virino ke ŝi bezonus identigilon.

La virino forlasis. Ŝi plendis iomete kiam ŝi forlasis. "Mi ja estas licea lernantino! Mi aĝas nur 15 jarojn!! Vi estas maljunuloj kaj vi tormentas min!! Tiu viro estas 50-jaraĝa kaj tormentas min, kaj tiu virino almenaŭ 80-jaraĝa!!! Mi devis veni el Gaithersburg per buso, kaj tio daŭris pli ol unu horo!!

(Mi fakte aĝas 38, kaj tiu ĉefino eble 64). Ŝajnas ke tiu virinaĉo konfuziĝas pri aĝoj, kaj ne nur pri ŝi mem!

Post ŝi forlasis, la kolaborantino kiu laboris kun mi kune dum tiu horo ridis kaj kriis "Ho ve!!" Kelkaj horoj poste, tiu sama kolaborantino diris al mi ke hehehe, certa alia frenezulo estis reveninta al nia biblioteko, dum tempo ke mi ne ĉeestis. Estis tiu agresivema homo kiu volis reveni por labori en nia biblioteko en la jaro 2018, kaj kiu estis daŭre demandinta pri piedpilkaj vestaĵoj al mi!!

Mi jam parolis pri li ĉi tie: http://www.ipernity.com/blog/david_dougherty/157055

Evidente ĉi-foje li demandis al bibliotekistino kiel trovi la Hot Shoppes-restoracion, kiu havas certan manĝaĵon kiel plaĉas al li. Tiu restoracio (Hot Shoppes) havis multajn branĉojn antaŭ multaj jaroj, sed malaperis entute antaŭ pli ol 20 jaroj. La bibliotekistino diris ke ankoraŭ estas branĉo en la vendeja centro preskaŭ apud la biblioteko, nur ĉar li jam enuis ŝin kaj agadis agresiveme kaj freneze. Li akceptis tiun respondon kaj forlasis!

El kie venas tiaj homoj?