Saluton! Urĝe!
Ĉu vi ŝatas ferii esperante, revidi geamikojn kaj konatiĝi kun agrablajn homojn?

Do, rapide aliĝu, ĉar la Printempa Semajno Internacia (PSI), jam okazos de la 14a de aprilo ĝis la 21a de aprilo 2014 en Xanten (prononcita: Ksanten) (Germanio).

Ni havos diversspecan programon: Koncertos por ni ekzemple Kajto kaj ni spektos teatraĵon de Christoph Frank, ni ekskursos interalie al la arkeologia parko kaj al la nederlanda urbo Nijmegen. Okazos migradoj, manlaboro kaj prelegoj. Por tiuj, kiuj ŝatas plibonigi sian lingvokonon, ni starigos lingvokursojn. Por infanoj kaj gejunuloj estos ĉiutage distra programo kun diversaj ludoj aŭ interne aŭ eksterne.

Ni kore bonvenigas familiojn kun infanoj, parojn kaj unuopulojn. Jam aliĝis pli ol 90 personoj el multaj landoj.

Pliajn informojn: www.esperanto.de/psi

Se vi havos demandojn, bonvole kontaktu nin je: psi@esperanto.de

Kun afablaj salutoj
La PSI teamo
facebook.com/EsperantoPSI