Već san piso obo stablima ča su dovali tinbar našen molen mistu :) Nikidon san na jednuon slici vidi još jedno stablo kojuo mi je izošlo iz gluove a uon mi je napomienu da san zaboravi i još jedno. Neka su dovali tinbar mistu di su riesli valo hi je maknut jer nisu pogodili misto za izniknut...

Jedva da se i spominjen da je u zidu od pijace a u duonjen Popoven dvuoru rieso jedon čenpres bez vrhovine, ni to bilo veliko stablo, ni ga nikor ni usodi; izniko je som ali na krivu bondu.. Da je izošo na pijaci brž bi još uvik bi živ, kako je izniko i rieso u zidu poče je obalivot zid i pritit da ga svega malo pomalo sruši. Radi tega su ga posikli a pari mi se da je još uvik u zidu rupa ča je napravi kad je rieso.

Još jedno stablo je izniklo na kriven mistu, i rieslo je godinami, mojno sa jedva dvi grančice... Tu vojku su puno puti slikoli jer je riesla iz buže na kampanelu ispod leroja, većina koji su Hunčani sitićedu se tie smokve. Kad je Ivica Cigo riedi kanpaniel iznutra onda je e mako ća. Moj brat Vinko je tad napravi tri lipe slike koje dokumentirodu ča se dogodilo...

Za ovi putovoliko a kad mi još čo pode napamet dodaću :)