Saluton. Mi estas 43-jara, divorcita, vivas kun mia 4-jara filino, Yasna, denaska esperantistino, kaj mia koramikino Mirjam, germana esperantistino (do, hejme ni parolas nur Esperante), kun kiu mi havas ĵusnaskiĝintan filinon, Flora. Ni loĝas en Madrido (Valeko). En mia libertempo mi instruas Esperanton. Profesie, mi laboras kiel sendependa ĵura (oficiala) tradukisto de ses slavaj lingvoj, precipe mi tradukas atestilojn kaj aliajn dokumentojn por enmigrintoj.