Group: Varbado


Afiŝo de majorko


Roland
By A Roland
September  3, 2011 - 1 comment - 591 visits

afiŝo de majorko, supozeble 2011
Estas bildo, kiu eble estis uzita por varbado en formo de afiŝo. Mi ne scias, ĉu fakte aŭ ĉu nur estis propono.

La plej bonan, kiun oni povas diri pri la afiŝo estas, ke oni provis utiligi belan, junan virinon en varbado por esperanto. La dua bona afero estas, ke oni uzis verdan stelon kaj ne la Esperanto-ovon.

Sed tio jam estas la fino de la bonaj ideoj. Estas tro evidenta, ke la aranĝo de la bildo estas pure seksisma. La ino nur estas ornamaĵo, kiu kaptu la atenton de la - ĉefe vira - publiko. Estas la demando, ĉu oni celis al la "Ballermann"-publiko.

Evidente ne, ĉar la teksto estas en la hispana, lingvo, kiun la vizitantoj de Ballermann kutime ne scipovas.

La alludo al la naskiĝtago de Zamenhof estas enigma. Eble la afiŝo aperis okaze de la naskiĝtago, sed la invito al informprelego estis por julio.

La slogano "Majorka Esperantistaro" estas same enigma. Ne-Esperantistoj ne komprenas, ke tamas pri pluralo, do ili ne rimarkas la problemon, ke nur unu persono estas videbla.

Kompreneble estas ĉiukaze konsilinda, nur uzi la frapvorton "Esperanto" kaj neniun kunmetitan formon, kiu ne estas komprenebla.

Kaj laste la ligilo estas tro longa por parkere refari ĝin post rigardo de la afiŝo sur la strato.La retpaĝo estas de la universitato kaj fakte la loka serĉomaŝino konas "esperanto" kaj donas dekon da retpaĝoj. Ni vidas inviton al kurso .

Tio indikas, ke la afiŝo celis al studantoj. Oni ne aŭdacas diri gestudantoj.

Mi ne scias, kiu kulpas pri la afiŝo. Sed ne estas modela ago.

The topic of this discussion has been edited by Roland 6 years ago.

Comments
guillem p.
guillem p.
Ne estas alludo al naskiĝtago, mi supozas ke oni volis diri "(naskiĝ)datreveno", sed strange ke oni diris tion esperante, ĉar temas pri teksto adresita al neesperanta publiko. La homo kiu dezajnis la afiŝon probable ne scipovas E-on.

La teksto, cetere, estas en la kataluna lingvo kaj informas pri somera kurso okazinta en la Universitato de Balearaj Insuloj (UIB). La nomo de la kurso estas "La internaciaj helplingvoj. Enkonduko pri esperanto".

La aferon verŝajne organizis Majorka Esperantistaro, sed tion ne povis kompreni la celata publiko. Mi emas pensi ke la afiŝon faris la universitato ĉar en la plej malsupra parto estas la blazono de la universitato kaj apude diras "Universitat de les Illes Balears". Pri la efikeco de ĉi tiu reklamo, estus utila informo pri la nombro de homoj kiuj aliĝis.
5 years ago.

You must be member of this group to reply to this topic.

» Join Varbado