Group: Sveda Esperanto Sverige


Kluba agado


Satiristo
October 26, 2010 - 20 comments - 1 894 visits

Certe necesas cerbumi pri estonta organizado de SEF, sed eĉ pli pri la agado en la kluboj. Mi pensas ke ĉefe estas la kluboj, kiuj povus allogi novajn membrojn. Mi membriĝis al SEF 1987. Je tiu tempo multaj eksterlandaj gastoj vizitis klubojn prelegante pri diversaj temoj. Per tiuj prelegoj mi almenaŭ lernis kompreni parolatan Esperanton, kaj eĉ mem iomete paroli. Sed bedaŭrinde tiuj vizitoj ĉesis, probable pro ekonomiaj kialoj. La ĉefa punkto dum nuntempaj kunvenoj estas kaftrinkado, eble iu montras kelkajn bildojn pri privata feria vojaĝo. Mi ne pensas ke tiaj kunvenoj allogas novajn membrojn al la kluboj. Interreto hodiaŭ donis al ni bonan eblecon al kontaktoj kun alilandaj esperantistoj, ĉu ne eblus ke ankaŭ kluboj aranĝus virtualajn kunvenojn kunlabore kun alilandaj kluboj. Mi ne havas konkretajn ideojn kiel ni faru. Mi pensas tio estu temo por nova fadeno ĉi tie. Ŝajnas tamen ke la junuloj en SEJU pli bone uzas la novan teknikon. Urĝas ke ni lernu de ili. Persone mi ofte preferas resti hejme korespondante kun diverslandaj amikoj ol trinki kafon (nu, en mia kaŭzo teon) en la klubo.
20 comments - The latest ones
GiTa
GiTa
Kian bildon oni havas pri esperantistoj en Svedio? Ofte oni skribas pri kluboj, sed fakte ne troviĝas kluboj krom en pli grandaj urboj. Mi loĝas en Lidköping kaj devas aŭ trajne iri al Gotenburgo (du-hora vojaĝo) aŭ al Skövde (unu-hora vojaĝo per buso).
Alf, bedaŭrinde SEJU havas saman simptomon kiel SEF (laŭ Carl). Ĝi ne estas sufiĉe juna kaj vigla organizo. Vidu ekzemple la SEJU-grupo ĉe Facebook.
Mi estas estrarano de SEI. Unu niaj taskoj estas aranĝi interesajn seminariojn ĉiujare. Ni sendis demandojn ekzemple pri kio la seminarioj temos (al ĉiuj sekcioj apartenantaj al SEI), ĉar ni volis kunlabori. Neniu respondis, ankaŭ SEJU ne.
Mi uzis skajpon, sed mi ne trovis multajn svedajn esperantistojn tie, aŭ ili ne volas havi kontakton kun mi. (Mi nur parolis kun Siv kaj Wim per skajpo.)
Kaj kiom da junaj svedaj esperantistoj uzas ĉi tiun forumon (Ipernity)?
Alf, oni ne povas antaŭvidi multon de la nuna SEJU, ĉar ŝajne ili ne povas iniciati mem. La SEJU-grupo similas al birdidoj, kiuj sidas atendante manĝaĵon de siaj gepatroj.
6 years ago.
Carl Mäsak has replied to GiTa
Alf, bedaŭrinde SEJU havas saman simptomon kiel SEF (laŭ Carl). Ĝi ne estas sufiĉe juna kaj vigla organizo.

GiTa, mi petas al vi ne meti vortojn en mian buŝon. Mi ne diris ion tian. Se SEJU havas simptomojn de maljuneco kaj malvigleco, ili almenaŭ estas multe malpli severaj ol ĉe SEF.
6 years ago.
Agneta Emanuelsson has replied to GiTa
Do, mi estas en skajpo: agiemanuelsson!
Amike Agneta
6 years ago.
Agneta Emanuelsson has replied to Carl Mäsak
Kiam oni parolas pri la viglecoj! de SEF kaj SEJU... Pri kio temas ?
Kiom da klubaj? Cxu SEJU vere havas pli da kluboj ol SEF?
Nur ekzemplo!!!
6 years ago.
Carl Mäsak has replied to Agneta Emanuelsson
SEJU ne havas "klubojn" en la sama senso kiel SEF. Mi konas plurajn (SEF-)klubojn en kiuj oni trovas SEJU-membrojn. Do mi ne certas ke la demando havas sencon.

Sed plejparte tute ne interesas min konkurse kompari la agadon de SEJU/SEF. SEJU havis amason da agado dum la plejlastaj jaroj, kaj mi bedaŭras ke tio ne estis pli evidenta por la plenkreskuloj. SEF ankaŭ havas agadon, sed estas agado kiu ne entuziasmigas min resti membro en SEF.
6 years ago.
Carl Mäsak has replied to Agneta Emanuelsson
Bone scii, sed kial vi rakontas tion ĉi tie kaj nun?
6 years ago.
Robĉjo has replied to Carl Mäsak
Tio estis iom stranga respondo, jes...
6 years ago.
GiTa
GiTa
Carl, ĉu vi ne diris "SEF estas malnova, maljuna, malvigla organizo, simila al mortanta baleno"?
Tion oni fakte povas legi.
Mi diras tion, kion vi mem skribis. Do, mi volas diri ".. kiel SEF laŭ Carl havas."
Estas mi, kiu diras "bedaŭrinde SEJU havas saman..." Rimarku! Estas ne facile esprimi sin en fremda lingvo. Pro tio mi certigas, ke oni devis uzi la svedan lingvon, kiam temas pri gravaj aferoj.
Mi ekstudis esperanton dum 2002, kaj ankoraŭ estas malfacile por mi esprimi min klare.
6 years ago.
Carl Mäsak has replied to GiTa
GiTa, neniu postulas ke vi uzu Esperanton se vi ne volas.
6 years ago.
Robĉjo has replied to GiTa
Pardonon, mi nur devas komenti:

GiTa, ne kulpigu vian scipovon pri Esperanto en tiu ĉi kazo. Se vi skribus ekzakte la samajn frazojn en la sveda la signifo restus la sama:
[...] tyvärr så lider SEJU av samma symptom som SEF (enligt Carl). Den är inte en tillräckligt ung och pigg organisation.

Eĉ se oni ŝanĝas al:
[...] tyvärr så lider SEJU av samma symptom som de som SEF har (enligt Carl). Den är inte en tillräckligt ung och pigg organisation.

La signifo restas la sama. Kion vi volas diri? Ĉu SEJU estas "ne sufiĉe juna kaj vigla" aŭ ne? Mi scivolas.
6 years ago.
GiTa has replied to Robĉjo
Jag nämnde några exempel, där man förväntar sig aktivitet från Seju:
Facebook
Ipernity
Skype
Intresse att komma med ideér till de gamle i SEI.

Dessutom önskar jag fler intressanta artiklar i La Espero. Som jag tidigare skrev kan denna tidning bidra till information om esperanto under förutsättning att den ges ut på svenska.
Det är inte alls förlegat och gammalmodigt med papperstidningar.
Jag hörde för ett par dar sedan ett radioprogram, där man berättade att sådana tidningar är på frammarsch.

SEJU syns inte mer än SEF för vanliga svenskar. Berätta om vad som händer!
(OmHärnösand har ni berättat och det är trevligt att det händer så mycket där. Men det finns väl andra platser också, där pigga yngre kan göra en insats.)

Tänk på att många gamla har gjort mycket under sin krafts dagar. Många orkar inte längre som förr.

Innan jag hittade esperanto via nätet, hade jag aldrig träffat någon, som talat med mig om esperanto.
Esperanto är nog ganska osynligt för de flesta.
Jag hade tur som av en slump råkade stöta på språket. Tyvärr var jag redan 65. Men esperanto har sedan dess berikat mitt liv.
6 years ago.
Carl Mäsak has replied to KaGu:-}
Tiu ĉi mesaĝo estas respondo al mesaĝo de KaGu:-}, kiun li forviŝis. Post matura cerbumado, mi decidis lasi ĝin resti.

KaGu:-}, por esti unu kiu ne havis iun kontakton kun SEJU dum tri jaroj, vi ŝajnas tre preta disvastigi opiniojn pri ĝi. Laŭ mia sperto, SEJU funkcias tre taŭge nuntempe, eĉ se ĝi ne konformas al malnovaj ideoj pri "agado" kaj "informado". Niaj membroj estas tre aktivaj kaj ŝajnas kontentaj.

Se vi malkontentas kaj volas influi tiujn demandojn en via direkto, eble vi fariĝu retmembro en SEJU, por pli facile povi ŝajnĝi aferojn de ene?
6 years ago. Edited 6 years ago.
Satiristo
Satiristo
Mi nenion scias pri kiom vigle SEJU agadas, mi estis tro aĝa membriĝi en SEJU jam kiam mi aliĝis al mia klubo.

Mi bedaŭras ke mi kreis ĉi tiun fadenon, ĉar evidente ne eblas distingi inter la agadoj de SEF kaj ĝiaj kluboj. Kiel rimarkis GiTa, multaj membroj de SEF ne apartenas al klubo ĉar klubo ne ekzistas proksime.

Pro tio mi estonte skribos en "Kien iru la sveda esperantomovado".
6 years ago.
KaGu:-}
KaGu:-}
meddelandet flyttat till "kien iru la sveda esperantomovado".
6 years ago. Edited 6 years ago.
Siv Burell
Siv Burell
Alf, mi bonvenigas novajn voĉojn en la esperantoĥoro. Ju pli da personoj, kiuj aktivas, des pli bone!
Mi ŝatas ”kaj – kaj” , ne ”aŭ – aŭ”. Mi volas klubojn KAJ retkontaktojn. Dank´al Andreas Nordström ni havas bonan hejmpaĝon : http://www.esperanto-gbg.org en Gotenburgo kun informo, raportoj kaj bildoj. E-poŝte Andreas sendas Medlemsbrev, kaj al tiuj, kiuj ne uzas komputilojn li sendas paperan leterojn. Se okazas ion neatendite, li sendas ”Rapida Informilo” .
Kiel vi, Alf, mi bedaŭras ke ne ofte venas eksterlandanoj al la kluboj. Eble estus grava tasko por SEF kunlabori kun aliaj landaj asocioj por organizi interŝanĝojn de vizitantoj, kiuj havas ion gravan por diri.
6 years ago. Edited 6 years ago.
Soile L
Soile L
Siv, ankau mi rimarkis ke plej multaj vizitantoj venas al klubkunvenoj kiam ni havas eksterlandan gaston. Homoj sxatas interrilati kun alilandaj esperantistoj. Mi subtenas vian ideon ke SEF havu gravan taskon kunlabori kun aliaj landaj asocioj por organizi intersxangxojn de vizitantoj, kiuj havas ion gravan por diri.
6 years ago.
GiTa
GiTa
En la artikolo "Amikeco trans limoj" de Barbara Pietrzak (revuo Esperanto, februaro 2011), ŝi skribas, ke la klubo en Stokholmo "alproksimiĝis al la grupoj de minoritataj lingvoj ..."
Ŝajnas grava temo. Estus interese, se iu en la klubo rakontus pri tiu temo!
6 years ago.
Soile L
Soile L
Dum la lasta jaro ni en la Stokholma Esperantoklubo renkontis reprezentantojn de la minoritataj lingvoj samea, meänkieli, la jida kaj la cigana (romani). Ni vizitis la ciganan kultur- centron kaj la templon de la hebrea parohho en Stokholmo. Ni invitis reprezentanton de la somalia lingvo kaj li espereble vizitos la klubon dum la autuno. La iniciaton de tiuj kontaktoj prenis nia prezidanto Ingvar Enghardt.
5 years ago.

You must be member of this group to reply to this topic.

» Join Sveda Esperanto Sverige