Naturamikoj / Discussions

Saluton, mi ĵus trovis ĉi tiun grupon de naturamikoj, tuj aliĝis, kaj jam provas, ĉu eblas aldoni bildojn en la grupon. Jes, post iom da umado, tie ili nun estas: du fotoj el la japana urbo Ranzan. Eble vi ne akceptas ilin kiel aŭtentikajn naturfotojn, ĉar unu estas el muzeo kaj la alia montra lukon sur urba strato. Mi esperas, ke vi tamen pardonas, estas ja mia unua provo.

Mi nun nur kapablas aldoni fotojn, po unu, al la grupo. Mi ne scias, kiel aldoni bildrakonton, kiun mi antaŭ ne longe faris pri mia printempa naturekskurso, ĉi tie en suda Finnlando. Provizore mi nur proponas mian albumon nomatan Karkali en majo kaj la rilatan skribaĵon Printempo venas norden (de la 12-a de majo) en mia blogo.

Kun intereso mi plu rigardas la fotaron de la grupo, ankoraŭ tute hazarde esplorante ĉi tiun novan (por mi) mondon.