Lingvo kaj socio

Tiu ĉi grupo estas daŭriganto de la malnova BJA-LISTO, kiu funkciis dum deko da jaroj ĉe la Universitato de Helsinki sub zorgo de Jouko Lindstedt. Kiel ĝia antaŭulo, ĝi celas faciligi diskutojn pri la socia flanko de interlingvistiko, t.e. pri la interrilatoj inter planlingvoj (unuavice Esperanto), lingvoplanado por interlingva kaj interkultura komunikado, kaj la tuta gamo de nuntempaj socioj kaj kulturoj. La listo funkcias sub la egido de la Centro por Esploro kaj Dokumentado pri Mondaj Lingvo-Problemoj (CED), kiu celas kunordigi la sciencan agadon sur ĉi tiu kampo. La listo estas tamen malfermita al partopreno de ĉiuj. Kvankam diskutoj kutime okazas en Esperanto, aliaj lingvoj estas uzeblaj laŭplaĉe.