Group: Lingva helpejo


antologio ontologio intologio intonacio


rughulo
By rughulo
September 11, 2011 - 9 comments - 945 visits

Jen lernigaj ekzemploj de nia "facila" lingvo :
Kiu vorto en la temlinio ne ekzistas?
9 comments - The latest ones
Ed Robertson
Ed Robertson
Mi neniam antaŭe vidis la trian, sed ĝi estas komprenebla, ĉu ne? (Kun dividstreko ... int-ologio).
6 years ago.
Anĉjo PacHorano (Andrea Fontana)
Anĉjo PacHorano (And…
Ĉiukaze, kvankam kompreneble la 15a regulo devigas nin akcepti vortojn kiel, ekzemple, "antologio" kaj "ontologio", ili estas tute anstataŭigeblaj per pli facilaj vortoj, kiel "kolekto" (oni eĉ povas detaligi per "poezikolekto", "beletra kolekto", "muzikkolekto", "filozofikolekto", ktp...) kaj "estoteorio" (aŭ "estoscienco" aŭ "estostudo")
6 years ago.
rughulo
rughulo
Tutcerte necesas redifini la 15-an regulon , ĉar en tempo de Z., oni precipe nur kalkulis la eŭropajn lingvojn. Sed evidente kaj fakte ili ne konsistigas la plimulton .
La "ontologio" ekzemple estas neologismo el mezepoko, apenaŭ komprenebla por mezulo - nuntempe ĝi estas faktermino por filozofoj kaj en la lasta jaro por komputilistoj, por informadikistoj, sed en tute alia senco .
La " ologio" ankaŭ estas afikso ekster la FdE .
Ed pravas, laŭ saĝa kaj facila logiko intologio -( ne necesas dividstreko ) signifus scienco pri la " into" , do- historio.
Claude Piron en sia libro " la bona lingvo" pledas por evito de tiaj cerbumigaj fakterminoj .
El mia profesio mi scias, ke kuracisto ankaŭ ne uzas nekompreneblajn fakterminojn kun siaj pacientoj .
6 years ago.
Andreo Peetermans has replied to rughulo
(Detala korekteto: la latina termino ontologia aperis unuafoje komence de la 17a jarcento, do fakte jam post la fino de la (okcidenteŭropa) mezepoko.)

Laŭ tiu ĉi retejo www.davidpbrown.co.uk/help/top-100-languages-by-population.html ekzistas pli ol 1 200 000 000 personoj, kies gepatra lingvo estas 'eŭropa'. Se ni aldonas al tio la popularecon de tiuj lingvoj en la lingvoinstruado kaj (plej grave!) en la sciencoj, ne estas tiel malfacile defendi la ekzisto-pravon de eŭropdevenaj fakterminoj en Esperanto.

Kiom da aziaj filozofoj komprenus la terminon ontologio? Tion mi ne certe scias. Sed nepre temos pri pli alta kvanto ol la nombro da okcidentaj filozofoj kiuj komprenus la terminon bentiluno.

Mi supozas ke estus same por ekzemple bakterio kaj ŝiĉuno.
6 years ago.
Anĉjo PacHorano (And… has replied to rughulo
Ruĝulo:
"ontologio (...) nuntempe ĝi estas faktermino por filozofoj kaj en la lasta jaro por komputilistoj, por informadikistoj, sed en tute alia senco . "

Mi respondas:
ne, kara.
Niaj miskomprenoj en la rilata diskutado, ene de la grupo "Socialismo", ja estas sekvo de la fakto, ke vi ne scias ke la fako "informadika ontologio" estas REKTA sekvo de esploroj ontologiaj pure filozofiaj. Tute ne estas kazo ke la nomo estas (tute prave) la sama.
Eble, aŭdante pri ontologio, vi pensas al Parmenido kaj/aŭ al Martin Hediegger.
Nu, Parmenido alfrontis problemojn, pri kiuj okupiĝas ankaŭ nuntempa ontologio (kvankam la respondoj estas tute malsamaj); Heiddeger alfrontis problemojn ontologiajn en maniero tia, ke lia laboro estas esence neuzebla (kaj neuzata) de nuntempa ontologio.
Informadika ontologio estas, iasence, praktika apliko de la nuntempa ontologio (tiu naskigita precipe de la analiza filozofio). Nuntempa ontologio estas tre ligita al logiko matematika (iasence ĝi provas uzi logikon matematikan por solvi klasikajn problemojn ontologiajn), do - kiam mi parolas pri ontologio - vi bonvole tute ne pensu al filozofoj kiel Heidegger; temas pri tute alia afero...

Pri la 15a regulo, kaj pri la problemoj de vi prave substrekitaj, eble interesos vin la jena artikolo:
www.ipernity.com/group/170715/discuss/33866

Ruĝulo:
"La " ologio" ankaŭ estas afikso ekster la FdE"

Mi respondas:
ne "-ologio", sed "-logio" (el la greka "logos")

Ruĝulo:
"Claude Piron en sia libro " la bona lingvo" pledas por evito de tiaj cerbumigaj fakterminoj."

Mi demandas:
mi [ankoraŭ] ne posedas tiun libron de Piron.
Bonvolu diri al mi: kiamaniere Claude faras tian pledon? Ĉu li konceptas ĝin kiel aferon pri stilo lingva aŭ kiel aferon pri gramatiko (alivorte: ĉu li taksas la vorton "ontologio"-n tutsimple malbonstila, aŭ ĉu ĝin eksplicite taksas gramatike erara?)
Dankon!
6 years ago.
rughulo
rughulo
Simple C. Piron taksus ĝin balasto - ĉar vi ja mem facile tradukis ĝin al estologio. Laŭ la FdE ontologio ne estas erara.
La diskuto en grupo " socialismo " estas ekstertema.
fakterminoj ofte ŝanĝiĝas - foje eĉ mispopulariĝas . Tio estas tute kutima universala leĝo en lingvistiko.

"Mezepokaj" fakterminoj foje estas eĉ la plej modernaj - kion pruvas la ontologoj komputilistoj .
6 years ago.
Anĉjo PacHorano (Andrea Fontana)
Anĉjo PacHorano (And…
Dankon pro via klarigo pri Piron.
Do mi tute konsentas kun li. Ankaŭ mi preferas, kiam tio facile eblas, ekspluati la jam fiksitan Ean vortostokon (ekzemple, mi pli emas paroli pri "rettaglibro" ol "blogo"); tamen mi malkonsentas kun tiuj, kiuj pretendas ke "blogo" aŭ "ontologio" estas kontraŭfundamentaj: tia pretendo, fakte, malprave tute preteratentas la 15an regulon, kiu aŭtomate enirigas en EOn, kiel plene fundamentajn vortojn, aferojn kiel "blogo" kaj "ontologio"...
6 years ago.
rughulo
rughulo
En ĉia lingvo ekzistas la problemo de neologismoj.
Almenaŭ en la germana lingvo ili aperas kaj malaperas. Foje iu aŭtoro kreas ian novan, kaj publiko avide kaptas ĝin.

ĵus mi skajpis kun ĉino pri la "blogo" - kaj mi rapide devis trovi la klarigon.
Pri ontologio mi sincere konfesas havi nenian klarigon krom la via : "estologio" Tial utilas diskuti pri la koncepto kaj filozofio de ontologio - nur tiel normalulo lernas kaj progresas . Alia vojo ne ekzistas
6 years ago. Edited 6 years ago.
Anĉjo PacHorano (Andrea Fontana)
Anĉjo PacHorano (And…
Mi konsentas, kara amiko.
:-)
6 years ago.

You must be member of this group to reply to this topic.

» Join Lingva helpejo