Group: Lingva helpejo


Goebbels kaj la lingvistiko


Raŝi - Audino
August 11, 2011 - 11 comments - 1 235 visits

Tie ĉi en Brazilo oni atribuas al Goebbels la jenajn frazojn:
"Unu mensogo dirata cent foje iĝas vero"
"Unu mensogo dirata multfoje iĝas vero"
Mi ne intencas tie ĉi diskuti pri la bedaŭrindaj konsekvencoj de tia koncepto tra la homa historio.
En naciaj lingvoj ni trovas ekzemploj pri gramatikaj reguloj, esprimoj, ktp kiuj estas ŝanĝataj tra la sekvo de la jaroj, jardekoj, jarcentoj...
Kaŭze de longa misuzado de la parolantaro, malgraŭ ĉiaj avertoj de la tiuntempaj lingvaj specialistoj, la lingvoj estas modifitaj eĉ sen aprobo de oficialaj organoj. Tiu kiu validas por hodiaŭ ne ĉiam povas validi por morgaŭ.
Do, mi demandas:
Ĝis kiu punkto tiu regulo ankaŭ validas por ESPERANTO?
11 comments - The latest ones
Tjeri
Tjeri
Pri mensogoj mi ne konsentas...
Pri lingvoj, mi supozas, ke la taŭga frazo estus: unu eraro dirita milfoje iĝas ĝusta. Tiel, erarinte la latinan iuj kreis la hispanan, kaj aliuloj kreis la portugalan....
Pri Esperanto, mi ne certas, sed mi iom timas, ke tolerante erarojn, laŭ regulo de libera lingva evoluiĝo, iom post iom , des pli se Esperanto disvastiĝus, aperos malsimilaj lingvoj. Same kiel la latina post lingvunuiĝo de homoj kiuj parolis la gaŭlajn, la iberajn, ktp disiĝis al la franca la hispana la itala ktp...kaj ties dialektoj.
Tion dirite, oni povas diferencigi vortuzon de gramatiko.
6 years ago.
Raŝi - Audino has replied to Tjeri
"unu eraro dirita milfoje iĝas ĝusta"
Via asocio inter la intercitila frazo kaj dialektoj estas interesa!
Dankon Tjeri!
6 years ago.
rughulo
rughulo
Espero logas- espero mensogas.

Pekoj kaj eraro estas ecoj de homaro .

Sen mensogo kaj devio de la gramatiko tute ne eblas paroli.

Vi bv. aŭskulti atenteme viajn hom- gefratojn
6 years ago.
Pierre Levy has replied to rughulo
Aleksandro la Granda, Julio Cezaro kaj Napoleono la Unua
renkontiĝis en infero.
"Aĥ, sopirĝemis Aleksandro, se mi estus havinta tiujn Panzerdivisionen
(kirasdiviziojn), mi estus atinginta la Pacifikon! "
"Aĥ, sopirĝemis Cezaro, se mi estus disponinta tiun Luftwaffe
(flugarmeon), mi estus konkerinta la mondon!"
"Ve, sopirĝemis Napoleono, se iu gebelso estus servinta al mi,
neniam iu ajn estus eksciinta, ke mi estis venkita en Vaterlo!"
6 years ago.
rughulo
rughulo
Ankaŭ vivantaj anĝeloj meritus lokon en infero, purgatorio aŭ paradizo. Sed prefere ni restu sur nia sangon soifanta tero , kaj aŭskulti eĉ pli grandajn mensogojn .
6 years ago.
Pierre Levy
Pierre Levy
Nenio povas devigi nin kredi la mensogojn, kiujn ni aŭdas aŭ legas.
6 years ago.
Harri Laine
Harri Laine
Jes, sed (bedaŭrinde ofte) eblas devigi nin ŝajnigi tian kredon kaj eĉ agi kvazaŭ ni kredus la mensogon. Kaj ofte ni eĉ sincere kredas.
6 years ago.
Pierre Levy
Pierre Levy
Tiu (perforta) devigo feliĉe ne ekzistas en kelkaj landoj, cetere tute ne perfektaj
kaj tre kritikindaj, inter kiuj certe ne estas nur Francio. Kredi mensogon pro manko
de deziro scii la veron kompreneble estas io tute alia, kaj rezistebla.
6 years ago.
rughulo
rughulo
"Ĉiuj grekoj mensogas" jen la antikva paradokso pri la vero.

"Manko de deziro " estas tute ne rezistebla
6 years ago.
Pierre Levy has replied to rughulo
"Ĉiuj grekoj mensogas" ne estas paradokso pri la vero sed estas
nur kruda mensogo.

"Manko de deziro" estas tre rezistebla, eĉ sen tiucela multe reklamata
medikamento.
6 years ago.
rughulo
rughulo
"Manko de deziro por la vero" ne estas kuracebla per " Viagro" Evidente Ion tre gravan vi konfuzas : Vero kaj sekso estas malsamaj aferoj .

"ĉiuj grekoj mensogas " estas simpla kaj facile komprenebla vero. ( sed eble ne por vi)
Ĉar ĉia homo foje diras malveron kaj foje veron .
kiu veras por iu- malveras por aliu .
tion oni nomas paradokso - paĝo 839 el nPIV.
Por referenci al la ĉefdemando : en nia lingvo same gravas la kulturo pri vero - kiom en la nazia epoko
6 years ago. Edited 6 years ago.

You must be member of this group to reply to this topic.

» Join Lingva helpejo