Iper rondo de Sennacieca Asocio Tutmonda / Discussions

Nia kamarado Cezar rakontis al ni la teruran historion de tiu homo, senlaborulo, senvivrimedoj, kiu elektis memmortigi pro malsato en ĉasista embuskejo.

www.ipernity.com/blog/28475/58072

Ekstrema ekzemplo de tiu plago kiu fariĝis soleco en la nunaj « civilizitaj » okcidentaj landoj.. ekstrema ĉar al psikologia mizero pro soleco aldoniĝis la ĉesigo de ĉiu socia helpo.

Se tia situacio ne estas ofta [bedaŭrinde, ĝi tamen estas pli ofta ol oni volus] multaj homoj suferas , en etoso de daŭre elmontrata riĉeco, pro samtempaj manko de monrimedoj kaj soleco.

Homoj bonkoraj tuj serĉas tion kio kaj pli precize kiu kulpas.. evidente socio kiu kulturas individuecon kaj konkuradon.. postulataj de financa kapitalismo.. sed tiu analizo , se ĝi estas prava,alportas nenion tujan.. ĉu oni kulpigu la familianoj ? La najbaroj ? Ili estas kaptitaj de la terura pistado maŝino kies ekzisto kaj efiko ili ne konscias aŭ preferas ne rigardi.. Konata psiĥa fenomeno aldonas ĝian pluson : tio rezultas de la ne klareco de la respondeco en homamaso , tiam ĉiu rigardas nur sian propran situacion.. Iu parolis pri soleca amaso..kaj ofte oni konscias pri la problemo post ĝia mortiga fina solvo, kaj oni senutile bedaŭras..

Kiel eskapi tiajn mekanismojn ? Du solvoj .. tamen ne miraklodonaj !!

-la unua estas adaptiĝo al la soleco.. pli facile diri ol fari vi prave opinius, sed estas konate ke soleco, se akceptita, permesas trovi en si mem ne antaŭviditajn spiritajn riĉaĵojn..soleco amika..
-la dua estas zorgi pri aliaj homoj, kiu ajn estu la konsisto aŭ la maniero de tiu zorgo, najbara, asocia,..

Do karaj kamaradoj.. ĉu vi povas alporti vian vivsperton.. pensu ankaŭ ke en kelkaj aliaj landoj la situacio ne samas.. ekzemple, afrikanoj estas sufiĉe surprizitaj kiam ili vidas kia estas la vivmanieron ĉe ni, riĉuloj aŭ pli ekzakte malŝparemuloj..Kiu povus evolui en la estonteco nia ĉiutago por pli da homa solidareco..