Kiel oni dirus ĝin esperante? / Discussions

Mi ne komprenas...

Bv. indiki, kiun PIV vi uzas.

En PIV1977 klon-o estas substantiva radiko.

Mi citis el nPIV 2002.

Substantivaj radikoj ne ekzistas en e -to .
El ĉiuj vortoj eblas formi ĉiujn vortoklasojn.

Tial ekz. Manĝ - ne estas verbo ,ne estas adjektivo , ne estas adverbo , ne estas substantivo .
tamen ekzistas substantiv EMaj radikoj: ekzemple " hotel"

respondo al andreo : kabei - signifas ne plu praktiki E- ton- subite forlasi ĝin

Se laŭ vi ne ekzistas substantivaj radikoj, kara ruĝulo, vi legu la jenan libron de André Cherpillod: la gramatika karaktero de la esperantaj radikoj. Ĝi ne kostas multe, kaj estas akirebla de FEL:
http://www.esperanto.be/cgi-bin/mal/Web_store/web_storeie.cgi?keywords=gramatika+karaktero

Tre bela pruvo, ke eĉ esperantistoj sin reciproke ne komprenas.

Ankaŭ en nacia lingvo oni sin foje NE komprenas .

pri substantivo mi legis el la netuŝebla fundamento de zamenhof : substantivo finiĝas per " o" . Tio ĉi estas facilega, komprenebla regulo.
Kiel povus konvinki min la libro de a. Cherpillod? Nu , tamen mi volonte legos ĝin.
Ĉar li ankoraŭ estas vivanta- mi scias ke li tre krokodilemas.

"La vortfarado en dek lecionoj" de André Cherpillod (2003, 23 paĝoj) ankaŭ estas didaktike bone strukturita helpilo, ĉar temas pri lecionoj "speciale por la malgramatikemuloj".

Pri "klono" en PIV: Reta Vortaro indikas klon' kiel substantivan radikon (klon/o) kun piednoto, ke en la nova PIV ĝi estis ŝanĝita al verba radiko (klon/i). La kaŭzon mi ne scias kaj cetere la biologia klonado estas komplika afero (vidu ekzemple en Vikipedio: http://eo.wikipedia.org/wiki/Klonado). Se mi bone komprenas "klono" estas la produkto (genare identa individuo) de klonado, sed "klono" povas samtempe esti la ago (klono de ĉelo). Ĉu ne estus pli bone uzi en tiu lasta kazo "klonado"-n? Okazus miskompreno se oni dirus "klono estas la produkto de klono (klonado)".

"klono" ankaŭ havas signifon en komputiko. Ni bezonus la lumon de fakuloj pri biologio kaj komputiko por pli bone kompreni, ekzemple, kio estas la diferenco inter klono, klonaĵo, klonano kaj klonulo, aŭ ĉu ili estas sinonimoj?

Ankaŭ mi ne scias, kial komence klon- estis konsiderata substantiva kaj nun verba, sed kialo povus esti la reala uzo. Eble vi jam mem guglis kaj trovis ekzemplojn kiel "homa klonado" (Gilbert Ledon), "klonita pandido" (Peng Jianjun), "klonado de homoj" (Kris Alen), "kondamni klonadon" (HeKo), "komentata temo estas klonado" (Donald Broadribb)... Ĉu en la tempo de PV la ago kloni jam ekzistis aŭ estis konata inter la mezuma Esperanto-parolanto?

Cetere, kio estas la diferenco inter "sozio" kaj "klonulo"? Ĉu "sozio" nur aspektas kiel "klonulo", sed ne vere estas unu?

Traserĉo en Tekstaro per \bklon\FI donas nur 3 trafojn en "Monato" (1 por klonis, 2 por kloni) kaj 2 trafojn en "La Ondo" (klono, klona).

Sed kial \FI, Riŝo? Tiel vi ne trovas "klonado" nek "klonita" ekzemple. Ke nur La Ondo kaj Monato aperas, estas sufiĉe logike laŭ mi. Klonado ja estas relative nova koncepto, kiu ne aperis en la Nova Testamento aŭ en la fabeloj de Andersen ;-)

Jes, la amasmedioj komencis informi pri klonado en la 90-aj jaroj (ekz. pri la ŝafido Dolly).

Vi pravas, mi refaris la traserĉon en Tekstaro per \bklon. Oni trovas 23 trafojn en "Monato" kaj 8 en "La Ondo":
klono 1, klona 1, kloni 4, klonis 1, klonita 1, klonado 20, klonada 1.

Ĉu kloni aŭ paŭsi estas grava decido?
Paŭtante aŭ ne, nur gravas por la vido.
La rezulto ĉiukaze estas, kopiita novido.
Nun estas tempo iom paŭzi, ĝis revido.

substantiva radiko ne ekzistas en esperanto . ( laŭ fundamento nur la morfemo " o" substantivigas.
Ekz. manĝ aŭ trink ne estas substantivo , ne estas verbo, ne estas adjektivo , ne estas adverbo.
ekzistas en esperanto radikoj sen finaĵoj- t. n. partikuloj.
Ili formas apartan vortoklason- sed ankaŭ ili kondutas kiel ĉiuj radikoj- eblas laŭ la regulo de sufiĉo kaj neceso aldoni finaĵon

Klono = gene identa estaĵo
sozio =simila estaĵo ( plej ofte iu homo)

klono estas produkto de klono

ŝoso estas produkto de ŝoso (laŭ greka etimologio)

homo estas produkto de homo .
verboj.: kloni, ŝosi, homi
sed hotelo ne estas produkto de hotelo
kaj manĝo ne produktas manĝon - sed malmanĝon .
Por klara interkompreniĝado necesas formi frazon.
Ekz. zamenhof.: povus signifi . gastejo, hotelo, dinastio, bestospecio, ekzota planto,placo ktp.ktp. ( ne parolante pri la vorta klaso)

."La vorta klaso" ankaŭ estas spektebla teatraĵo per vidbendo