Kiel oni dirus ĝin esperante? / Discussions

Bone. Se ni invitos ĉiujn fuŝesperantistojn al tiu ĉi grupo, ĝi baldaŭ havos kelkcent milojn da membroj. Ipernity estos tre kontenta!

Kelkfoje ankaŭ tre bona esperantisto povas fari eraron, neniu estas neeraripova, eĉ ne la papo!

http://arkones.org/personoj/zbigniew_galor

Domeno povas esti falsa amiko el la franca "domaine" (prononcu domen) = fako, kampo, kiu ekzemple ankaŭ eniris la germanan kiel fremdvorto (Domäne). Kelkfoje oni legas "domeno" aŭ "domajno" por "retnomo".

kaj la angla: domain

Domeno en la germana Domino (Ludpeco). Por domain mi dirus domajno. eo.wikipedia.org/wiki/Domajno

"LEO" (dict.leo.org) tradukas ia.: Arbeitsgebiet, Definitionsbereich, Einsatzgebiet, Feld, Herrschaftsbereich, Massenpunkt ktp.

Eblaj tradukoj estas kampo, fako, regiono, regno, retregiono (vd. komputeko.net) kun reta subregiono (subdomain) kaj supra retregiono (top level domain).

Mia malnova angla-E-ta vortaro diras "bieno", en tiu senco ĝi estas prae uzata en Germanio (Domäne = bieno).

Domain en la angla signifas "regnon - loko/kampo (ofte metafore kiel por la komputiloj), tie iu/io regas.

domajno, esperantlingve?

Kelkaj efektive diras por la komputila senco "domajno", sed laŭ mi tio estas tute ne necesa inventaĵo. Kiel Michael diris, la unue uzataj formoj "retregiono" (monato.net, google.com) kaj "supera retregiono (.net, .com, .be) tute sufiĉas kaj estas multe pli klaraj.

Mi konsentas kun vi, tiaj vortoj menciitaj de Michael estas klare komprenebla. Eĉ pli ol 1,75!!! :-)