Kiel oni dirus ĝin esperante? / Discussions

Unue estas diskutinde, ĉu "OK" estas angladevena. Mi kredas, ke ĝi estas germandevena. En komercaj kont-operaciaj libroj oni markis la finon de komerca agado per "ohne Kosten" (sen kostoj). Mi supozas, ke germanaj kontoristoj en Usono uzis la kutiman "ok" por indiki, ke la komerco estas finita sen pluaj kostoj - la aĉeto estis "ok".

Jes, OK estas tradukebla. Sed kial? En E-to ni havas ho! (eĉ fundamenta) kiel interjekcion, ni havas hm!, kial ni ne havu "ok"? Ni povas bonege elparoli ĝin: o-ko.

Dankon, tre interesa informo.

Oni povus do, anstataŭ "bone" aŭ "malaĉe", diri "senkoste".
(Sed kie troveblas la senko, kie situas tiu osto? ;-)

okej ?!

o. k. ne estas la cifero "ok", sed tradukebla per "bone" aŭ "konsentite" aŭ "en ordo", la unua dusilaba, do ne pli longa ol "okej".

Mi kredas ke la ofteco de unusilabaj vortoj en la angla lingvo kontribuas al ties sukceso. Homoj estas ŝparemaj se temas pri penoj. Kontraste al la angla Esperanto prononcendas pli akurate kaj la plej multaj vortoj havas pli ol unu silabo. Esperanto rilate la pigrecon ne estas tiom taŭga. Ankaŭ maloftegas esprimoj kun multegaj signifoj. Oni devas pli akurate pripensi kion oni celas. Tiu OK estas io tute normala por naciaj lingvoj, almenaŭ por eŭropaj; pri aliaj naciaj lingvoj mi ne havas spertojn. OK ja ankaŭ povas i. a. signifi "mi komprenas". En Esperanto ni restu ĉe la tendenco: unu vorto - unu signifo. Mi venis al la konkludo ke ni restu ĉe la diritaj tradukoj.
Simila temo estis la fadeno pri Hallo. Alia provo enkonduki vastsignifan vorton estas 'mojosa' por 'cool'. Ni spertos ĉu ĝi estos akceptita. Mi dubas pri tio ĉar eĉ 'oklo' (por anstataŭi okulvitrojn [singulara vorto kun j]) apenaŭ estas akceptita.

Post kiam kelkaj TEJO-anoj elkovis "mojosa", oni rimarkis
ke oni povus simple uzi "malaĉa".

Pri "OK" dum jarcentoj la aliaj lingvoj bone funkciis sen ĝi.
Oni povas diri: "bone", "en ordo", "konsentite" ktp...

Se iu diras "OK" en Esperanto mi ĉiam ŝerce diras "naŭ" aŭ "naŭe".

Iu hispano dum tradukado de fama hispana verko eĉ enkondukis "Ola!" en Esperanton....

Tiaj personoj pagu jare 10 eŭrojn al UEA aŭ al la akademio por ĉiu nenecesa radiko, kiun
ili enkondukis. ;)

"malaĉa" estas bonega.

Oni Konsentas!

Mi konsentas kun esocom. Bone!

Mi komprenas, ke la deveno de la esprimo “OK” estis en Usono. El la sona akronimo de “All Correct” oni estigis la novaĵon “OK”

Se oni deziras paroli puran Esperanton, oni povas diri “en ordo” sed se la sola celo de parolakto estas komprenado, oni certe povas ankaǔ diri “OK”

OK estas Organiza Komitato ! Se oni komprenis oni diras "komprenite!".

Kiam oni konfuzus “organiza komitato” kaj “konsentite”

Ekz.

A: Venu al la trinkejo kun ni! Mi invitas vin.

B: Konsentite / organiza komitato

Dankon. Konsentite, je la OKa !

KO nokaŭto

Ĉu temas pri aŭtomobilo farita el nokoj :-)

"nok-oj" ja estas tipo de (sekigita) pastaĵo kiun oni moligas per / en bolanta akvo.

Karolo Piĉ uzis la formon oŭ kej.
PMEG enhavas la formon okej.

Iam studentino "okcidenta" (por mi, hungaro) respondadis je "okE". kun akcentata E.
Mi diris, ke eble ŝi diru laŭ Karolo Piĉ, se ŝi volas. Ŝi tuj poste diris: Bonege! Sed post momento ŝi denove diris sian version de oKE. Mi diris: se nepre, do diru tiun de Piĉ. ŝi denove
ŝanĝis je Bonege! Post momento ŝi denove diris oKE.

Se oni ne povas vivi sen io simila, oni eble akceptu la formon de Bertilo aŭ tiun de PIĈ,
ni ne havu versiojn kun tiom da akĉentoj, kiom da etnaj lingvoj ekzistas.

Mi longe imitadis la formon elde Piĉ (oŭ kej).

Kiel oni diras espe "Fy fan!" ?
"Fy fan", per longa ipsilono (pli akra ol germana aŭ hungara ü aŭ franca u aŭ suoma y) kaj longa a, estas sveda esprimo pri enorma malŝato, foje transformiĝanta al esprimo pri profunda admiro. Laŭvorte, "Fy" estas "fi" aŭ "hontu" kaj "Fan" estas iom tro popola kaj tro forta nomo de Diablo (unika ento - "ekzistas" nur unu).

Ekzemploj:

- Kiel vi opinias pri la supo?
- Fy fan!
(Oni povas kompreni, ne nur ke ĝi gustis fekaĵon, sed verŝajne eĉ enhavis).

- Ĉu la sportisto alte saltis?
- Jes, fy fan!
(Do, mi neniam vidis, aŭ eĉ povis imagi, ke iu kapablus tiom alte salti).

- Ĉu vi venos al la festo?
- Ne, fy fan!
(= Mi prefere mortus tuj ol irus tien).

Al mi, denaska svedo, estas tute nekompreneble ke Esperanto enhavu tiun nebezonatan vorton okeo (eĉ kun ridinde multaj variantoj de literumo) sed samtempe MANKAS - ne, mi celas, MANKEGAS! - tiu plej bezonata esprimo FY FAN.

Fi fan.

Ĉu 'feke!' ne sufiĉe fortas?

Ĉu "diable" ne estas iom simila?
Ĉu eble tio signifas al ĵurformoj de romaoj? (Mortu mia... avo. se mi iros)
Mi ne iros, mi ĵuras!

?i mur provadas imagi a nuancon de la svedaĵo..

= Jes bone!

La manko de esperanto estas - ke ĝi ne estas sufiĉe ofte parolata .

Fi- fan ankaŭ eblas diri ,ĉar ambaŭ vortoj ekzistas . kaj ankaŭ ne mankas fivortoj, insultoj, ofendoj k.a.

Por alemano tutcerte mankas la esprimo "putinpiso" ĉar ĉiutage uzata .

Sed ja mi kaj aliaj devojiĝis el OK