Ipernity: demandoj kaj respondoj / Discussions

La demando estas simpla, kaj la respondo estas same simpla: supre de ĉiu paĝo vi vidos la frazon "Kiu estas enreta". Alklaku ĝin kaj poste alklaku la vorton "CHAT".

Alia metodo estas la jena: alklaku supre de la paĝo la ligilo "Mia spaco", poste iru tute sube de la paĝo al la ĉapitro "Via reto". Elektu personon, kiu estas enreta, movu vian muson super ties foton, alklaku la sageton kaj elektu "Lanĉi la babilejon".

Unu komplikaĵo tamen estas:
Kiam la vokato akceptas, la babilado okazas en aparta fenestro. Se via krozilo blokas tiun fenestron, tiam la babilado ne povas sukcesi. Se vi do havas problemon, kontrolu ĉu tio povas esti la kaŭzo.

Ĵus mi pripensis alian kialon, kiu povas ŝajnigi nefunkciadon: La fakto, ke vi vidas, ke iu estas enreta, ne nepre signifas, ke tiu persono ankaŭ sidas antaŭ sia komputilo. Povas esti, ke la komputilo estas funkcianta, sed ke la uzanto estas en tute alia ĉambro, kaj ne vidas vian babilpeton. Do fojfoje necesas pacienci, aŭ antaŭe interkonsenti pri la momento de la planita babilado.

Por helpi al tiuj, kiuj havas problemojn por iniciati babiladon aŭ por akcepti babilpetojn, mi faris du filmetojn, kiuj eble estos helpaj. Jen:
Kiel iniciati babiladon: http://www.ipernity.com/doc/14343/5882831/in/group/37673
Kiel akcepti babilpeton: http://www.ipernity.com/doc/paul_peeraerts/5881668/in/group/37673

La du filmetoj, kiuj estas bonkvalitaj sur mia ekrano, tamen post alŝuto al Ipernity iĝis iom malklaraj.

Mi ĵus aŭdis de Izabel, ke per Internet Explorer ŝi tute ne sukcesis uzi la babilejon. Post kiam ŝi transiris al Fajrovulpo, tuj ĉio funkciis. Do se ankaŭ vi ne sukcesas, kaj uzadas IExplorer, elŝutu Fajrovulpon!