Ipernity: demandoj kaj respondoj / Discussions

eĥoŝanĝo ĉiuĵaŭde
ĈEĤA ŜAŬMMANĜAĴO
Aha, post majuskloj devas esti minuskla x!
Linux en La-Chaux-de-Fonds
Kaj dufoje x malŝaltas la funkcion. Bonege!

samtempe mi vidas belan pangramon - almenaŭ rilate supersignojn... :D

Tio memorigas al mi ke mi foje sendu kelkajn komentojn pri la bela vortludo-broŝuro kiun vi donis al mi.

Dankon Paŭl pro la sciigo.
Mi ankaŭ dankas al Tristan pro lia grava laboro kiu faciligos la skribado de Esperanto-supersignoj.

Bonege! Gratulojn!

Mi informos la membrojn de E@I pri tiu ĉi atingo per novaĵletero kiun mi sendos ĉi-vespere.

Amike,

Yves

Bonege dankon!
Ipernity fariĝas ĉiam pli bona

Ĉu mi nun mi povas viŝi mian artikolon pri la x-sistemo? Mi tre ĝojas pri la evoluigo, dankegon!
Kiam sekvos la ilo por korekti insistajn akuzativfuŝaĵojn? ;-)

Mi ne kredas, ke necesas viŝi ĝin. Restas la problemo, ke ekzistas pluraj malnovaj blogaĵoj kun iksoj. La nova sistemo ja funkcias nur por tekstoj kreitaj ekde nun. Mi rekomendas, ke ĉiuj, kiuj havas ankoraŭ iksajn tekstojn, alklaku la ligilon "modifi" kaj denove "konservi". Tiam per du alklakoj ĉiuj iksoj estos for!

Gratulon pro la atingo! Sendube vi havas ian respondecon pri tio, ĉu ne? Almenaŭ la instigo...

Ne, la iniciato ne venis de mi, Manolo. Mi ne scias, kiu proponis ĝin al ipernity.

Pasintan 30-an de decembro 2007 responde al alia mesaĝo pri iu ĝenerala afero mi komentis al Christian CONTI de suport@ipernity.com tion:
Mi skribas al vi por demandi pri speciala afero. Mi estas membro de la subkomunumo Esperanto de Ipernity. Kiel vi povas konstati se vi vizitas iujn ajn el niaj paĝoj la lingvo Esperanto havas ses leterojn kun akcento, jen: ĉĝĥĵŝŭ kaj ĈĜĤĴŜŬ, sed vi povas ankaŭ vidi en iuj paĝoj ke ni uzas surogatojn, t.e. ni uzas la parojn ĉ,ĝ,ĥ,ĵ,ŝ,ŭ por anstataŭi la suprajn menciitajn akcentitajn leterojn; aliaj personoj uzas aliajn parojn kiel ch,gh,... aliaj uzas c',g',... aŭ 'c,'g, kaj tiel plu.
Mi skribas al vi ĉar la esperantistaro jam havas solvon kiu verŝajne povas esti facile efektivigita en Ipernity. La solvo estas la javascript-programo uzita en la TTT www.lingvo.org/traduku. Vi povas uzi ĝin libere eĉ ne petinte permeson, sed ne forigu la tekston en la komenco de la dosiero eotajpu.js.

Nur antaŭ 6 tagoj mi ricevis mesaĝon de Christian CONTI kiu komunikis min ke la afero jam funkciis. Mi provis ĝin sed mi rimarkis la problemon kiun hieraŭ priskribis Simono en mia blogo: www.ipernity.com/blog/29416/64940/comment/2102976#comment2102976. Mi interŝanĝis kelkajn mesaĝojn kun Christian kaj hieraŭ Tristan diris al mi ke la afero jam funkcias.

Ĉu iam eblos iksu ankaŭ en la serĉaj kampoj? Ŝajne la serĉilo malatentas la supersignojn. Ekzemple:
www.ipernity.com/search/doc?w=30263&q=capelo =
www.ipernity.com/search/doc?w=30263&q=ĉapelo ≠
www.ipernity.com/search/doc?w=30263&q=cxapelo

Sekve al via peto, ekde nun eblas iksi ankaŭ en la serĉaj kampoj! Ĵus Christian Conti informis min pri tio.

Bonege! Tiu ĉi retejo estas pli kaj pli bona!

Dankegon! Ne ekzistas multe da retpaĝaroj kies farantoj iom ajn zorgas pri tio. Tamen, ĉu mi rajtas interŝovi mian propran artikolon pri la klavado-aranĝo en Vindozo: www.ipernity.com/blog/43512/68379

Amike :)

Mi ankaŭ povas tie enmeti ĉapelitajn literojn per rekta tajpado laŭ makintoŝa maniero, t. e., sen iksoj, per senpaŝaj klavoj ("6" por cirkumflekso, "b" por brevo).

Tamen tiu iksumado ŝajnas ne funkcii en la titoloj kaj klarigoj de fotoj, ĉu? Vidu ekzemple jen:

www.ipernity.com/doc/birke/2335518

Ĉu eblos tion ŝanĝi?

Tio signifas, ke ŝi ne uzas la esperantlingvan interfacon. Se oni uzas ekzemple la germanlingvan, tio ne funkcias.

Ne ĉe mi! Funkcias bone en komentoj, ne funkcias en la klarigoj de fotoj kaj en titoloj, nek en etikedoj. Kaj mi uzas la esperantlingvan interfacon, evidente.

Dudek du dronintajn didojn! Tio ja funkciis ĝis nun. Mi tuj skribos al la programistoj. Dankon pro la averto!

Alia demando: ial la RSS-fluo de Ipernity estas "anglalingva", kvankam mi elektis Esperanton kiel mian preferatan lingvon en la retejo de Ipernity. Kune kun la finnlingva interfaco de Google Reader tio rezultas en kurioza koktelo... jene:

Esperanto en konferenco pri "vehiklaj lingvoj"
linkistä Discussions of group: Lingvo kaj socio kirjoittanut Joŭko
Joŭko has started a topic:...

Tamen, oni povas eble iel agordi ankaŭ la lingvon de la RSS-fluo? Sed ĝi devus ja aŭtomate sekvi mian jam indikitan preferon.

Jes, oni povas agordi la lingvon de la fluo per la fama sufikso lg=eo. Do por tiu ĉi grupo anstataŭ uzi la kodon www.ipernity.com/feed/topic?group_id=37673 vi uzu la kodon www.ipernity.com/feed/topic?group_id=37673&lg=eo

Gekaraj, mi nur nun rimarkis la grandan ŝangon ĉe ipernity, pri supersignoj, kaj mi tre-eeeege ĝojas!!!
Mi elkore dankas vian laboron, hejme ĝis nun mi uzis la programeton "Ek!", sed en la komputilo de iu alia, mi ne povis uzi ĝin...

Mi dankas al Tristan, kaj mi dankas al vi, Paŭl, pro la tradukado al la organizantoj de ipernity! :-)

HUUUURRRRAAAA!!!
Supersignoj ĉe ipernity!!!
Tiu ĉi retejo estas ELSTARA, UNIKA, SENSACIA!!!

Amike:
Lejla

Certe la plenumintoj de tiuj plibonigoj meritas dankegon.

Hieraŭ ne funkciis x-ado por dokumentoj ( ĝiaj nomoj ) kaj hodiaŭ ne....

Dankon pro la averto. Mi jam informis la teknikistojn.

Ĉu ĝi funkcias?...
Jes ja!
Bonege!!!
Koran dankon al vi, Tristan!

Daŭre ne funkcias iksoj en la nomoj kaj klarigoj de fotoj.

La teknikistoj sciigis al mi, ke ili troviĝas antaŭ enigmo. Iam tio funkciis, kaj nun ne plu. Ili suspektis, ke tio okazas nur ĉe personoj kiuj alŝutas uzante nacilingvan interfacon, kaj poste transiras al la esperanta, sed tiel ŝajne ne estas.

Fakte ne, Paŭl. Ankaŭ mi rimarkis tion, kion Kalle informis, ĉe miaj fotoj. Kaj mi uzas nur la enesperantan version.

Por la kampoj TITOLO kaj PRISKRIBO mi do daŭre uzas Ek!. Mi rimarkis tiun nefunkciadon jam de Junio.

Ni tamen atendas pacience kaj kredante la sperton de nia simpatia teamo! :-)

Vi rimarkis tion jam de junio: eble la cimo rilatas kun la iksado en la serĉaj kampoj, kiu iĝis ebla je junio?

Demando : kiamaniere procedi por ke la x post u konserviĝu, ekzemple en franclingvaj loknomoj kiel La Chau x-de-Fonds (La Chaŭ-de-Fonds) ? - Fine mi vidas ke oni jam respondis dirante ke du sinsekvaj tajpoj de x konservas ĝin : La Chauxx = La Chaux.

Jes, kaj se oni uzas Ek! en la esperantlingva interfaco, tiam necesas tajpi xxx ;-)

cx gx hx restas senŝanĝaj je "Preview" :-(
Do ĉi tiu estas testo ĉu la traduko funkcias Je "POST"

Atentu, mi alvokas la ĝustajn literojn per aparta klavaprogramo, kiun disponigas Mikrosoft al tiu kiu uzsas la operaciumon VISTA.

Se vi vidas la vorton "Preview" , tiam vi uzas la anglan interfacon, kaj ne la esperantan. Kaj tie la interŝanĝo de cx al ĉ ja ne okazas. Elektu la esperantlingvan interfacon, kaj tiam ĝi ja funkcios, eĉ dum la antaŭrigardado.

Nun mi kompreans KIAL, sed bedaŭrinde mi ne scias KIEL ŝanĝi al esperanta interfaco. Mi serĉas kaj serĉas sed tute vane :-)

finfine mi eĉ trovis respondon al la demando KIEL. Ĉu mi do serĉis malvane? ĝ,ĥ,ĵ,ŭ, Yes: Antaŭvido donas al mi la respondon,ke jes :-ö

Mi estis ferianta, kaj tial ne povis respondi. Sed mi miras, ke neniu respondis. Aŭ ĉu ĉiu feriis?

En mia grupopaĝo mi kontrolas regule kio novas en miaj grupo, sed se temas nur pri kontribuo al jam ekzistanta fadeno, tiam mi ne vidas tion en tiu paĝo.

Por mi ankaŭ ne funkcias iksoj en la nomoj kaj klarigoj de fotoj :-(. Mi en Ipernity ĉiam uzas nur Esperanto.

Efektive, tio funkcias ĉe neniu. La ipernity-programisto ankoraŭ ne eksciis, kie estas la problemo.