Group: Esperanto-Forumo Z


EFZ-2010-0004 Rezolucio de la Esperanto-Forumo Z: Konstato pri permesataj pozicioj de la 26-a litero de la Esperanta alfabeto (stato: 4-a de Decembro 2010)


Esperanto Forumo Z
December  4, 2010 - 893 visits

La Fundamenta Gramatiko, germana kaj rusa versioj, determinas, ke la 26-a litero de la Esperanta alfabeto (sekvonte: 26-a litero) estas uzata nur post vokalo. La franca kaj pola versioj determinas nenion pri permesataj kaj malpermesataj pozicioj de la 26-a litero. La angla versio determinas, ke la 26-a litero estas uzata en diftongoj. En la Fundamenta Ekzercaro § 1 la nomo de la 26-a litero estas skribita per du literoj: komence la 26-a litero kaj finajhe la litero o. En tiu liternomo la pozicio de la 26-a litero do kontrauas la determinon de la germana kaj rusa versioj de la Fundamenta Gramatiko. Sekve:

Uzado kaj kreado de vortoj (escepte de la liternomo mem), en kiuj la 26-a litero estas uzata ne post vokalo, kontrauas la por Esperanto validan normaron pro la supre menciita determino en la Fundamenta Gramatiko, germana kaj rusa versioj. La eventuala normkolizio pro la liternomo en la Fundamenta Ekzercaro estas solvata per tio, ke, "se modelo au regulo de la Ekzercaro kolizias kun la Fundamenta Gramatiko, tiam temas pri escepta gramatika permeso, do pri 'lex specialis'" (Velger 1994: 9). Sekve la liternomo, en kiu la 26-litero estas uzata ne post vokalo, estas escepta gramatika permeso ne-etendebla al aliaj vortoj.

Notoj:

(1) La Esperanto-Forumo Z estas grupo de esperantistoj, kies tasko estas prezenti en la formo de rezolucioj respondojn al tiaj lingvaj kaj prinormaj demandoj koncerne Esperanton, pri kiuj trafas jeno: Por ilin respondi evidentighas, ke ne sufichas simpla resendo al regulo, decido de la Akademio de Esperanto (au Lingva Komitato) au modelo trovebla en la por Esperanto valida normaro. Pli:
http://www.ipernity.com/group/170715/discuss/32420 .
(2) Tiu chi rezolucio estas rigardata kiel automate nuligita tiam, kiam pri la koncerna afero estas oficiala decido au oficiala rekomendo au io simila fare de la Akademio de Esperanto.
(3) La diskutado ene de la Esperanto-Forumo Z antau la pretigo de tiu chi rezolucio estas publikigita en
http://www.ipernity.com/group/170715/discuss/32921 .

Referenco:

Velger, Helmuto (1994): "Kontribuoj al la norma esperantologio. Enkondukoj - Ekspertizetoj - Kritikoj". Marburg, info-servo r. a.

Membroj de la Esperanto-Forumo Z en la tempo de la aprobo de tiu chi rezolucio (4-a de Decembro 2010):
Andrea Fontana
Andreas Kueck
Bernardo
Cyril Brosch
Pierre Levy

This discussion has been closed by Esperanto Forumo Z.