Group: Esperanto-Forumo Z


EFZ-2010-0002 Rezolucio de la Esperanto-Forumo Z: Konstato pri la uzo de "je"-komplemento che transitivaj verboj (stato: 1-a de Novembro 2010)


Esperanto Forumo Z
November  4, 2010 - 956 visits

Supoze ke per la frazo "Marion vidis je Mario", en kiu "Marion" estas ne-esperantigita virina persona nomo kaj "Mario" estas ne-esperantigita vira persona nomo, oni esprimas la fakton, ke Mario estis vidita de Marion, tiam jeno povas esti konstatata pri la koncerna frazo:

La frazo ne kontrauas la por Esperanto validan normaron pro jeno:
- Ne estas Fundamenta au oficialigita principo au regulo, lau kiu oni devas vortigi komplementon de transitiva verbo nur per helpo de akuzativo. Tion chi pruvas interalie la Fundamentaj okazoj "La richulo havas multe da mono" kaj "El la dirita regulo sekvas, ke se ni pri ia verbo ne scias, chu ghi postulas post si la akuzativon (t. e. chu ghi estas aktiva) au ne, ni povas chiam uzi la akuzativon. Ekzemple, ni povas diri 'obei al la patro' kaj 'obei la patron' (anstatau 'obei je la patro')". El la chi-lasta Fundamenta instruo estas krome konkludeble, ke principe ech ne estas devo scii la kazon postulatan de ia verbo.
- Estas ech Fundamenta instruo ne uzi la akuzativon okaze de eventuala miskompreno: "Sed ni ne uzas la akuzativon tiam, kiam la klareco de la senco tion chi malpermesas."
- En lingva respondo (La Esperantisto, 1890, p. 32) Zamenhof klarigis: "Che la timado ni havas chiam du personojn au objektojn: unu, kiu timas, kaj unu, kiun oni timas, au kiu estas timata. 'De l' malamikoj vi estu timata' signifas: ke la malamikoj timu vin (= je vi au antau vi)."
Por senpravigi tian uzon de "je", oni povas ja resendi al jenaj faktoj, sed ili ne estas sufiche gravaj (kial, tio estas donita inter la parentezoj):
- Tia uzo de "je"-komplemento ne estas tradicia (sed tradicio per si mem ne estas suficha kialo).
- "Je"-komplemento estas mis- au ne-komprenebla en la koncerna frazo, char audanto ankau okaze de la koncerna frazo deiras de tio, ke "je"-komplemento havas alian signifon, ol akuzativo (sed en la koncerna frazo la "je"-komplemento ne povas celi ion alian, ol la markadon de la ne-subjekto).
- Ankau en la Fundamenta modelo "Anstatau 'la' oni povas ankau diri 'l''" ne estas uzata "je"-komplemento (sed la modelo ne taugas, char en ghi la frazero "oni" estas facile rekonebla kiel subjekto, tiel ke pri "je" povas esti rezignate, kio estas konforma al la Fundamenta instruo "Sed estas bone uzadi la vorton 'je' kiel eble pli malofte").

Notoj:

(1) La Esperanto-Forumo Z estas grupo de esperantistoj, kies tasko estas prezenti en la formo de rezolucioj respondojn al tiaj lingvaj kaj prinormaj demandoj koncerne Esperanton, pri kiuj trafas jeno: Por ilin respondi evidentighas, ke ne sufichas simpla resendo al regulo, decido de la Akademio de Esperanto (au Lingva Komitato) au modelo trovebla en la por Esperanto valida normaro. Pli:
http://www.ipernity.com/group/170715/discuss/32420 .
(2) Tiu chi rezolucio estas rigardata kiel automate nuligita tiam, kiam pri la koncerna afero estas oficiala decido au oficiala rekomendo au io simila fare de la Akademio de Esperanto.
(3) La diskutado ene de la Esperanto-Forumo Z antau la pretigo de tiu chi rezolucio estas publikigita en
http://www.ipernity.com/group/170715/discuss/32588 kaj
http://www.ipernity.com/group/170715/discuss/32733 .

Membroj de la Esperanto-Forumo Z en la tempo de la aprobo de tiu chi rezolucio (1-a de Novembro 2010):
Andrea Fontana
Andreas Kueck
Bernardo
Cyril Brosch
Pierre Levy

This discussion has been closed by Esperanto Forumo Z.