Keyword: Frida Kahlo

Hans-Georg kaiser Al ribelulino Mi kovros vin en fridaj aĉaj tagoj, en laŭta bru', en trista flu', se ni pro grandaj plagoj ne gajos plu. Mi helpos vin, se homoj nin forlasos en eta vent' kaj eĉ sen pent', se la malam' amasos pro fia sent'. Mi portos vin, se ĉiuj vin jam ĉasos, ho vi, cervin'. Se ili serĉos vin; se monstroj preterpasos, ni savos nin. Ne devus eĉ mi laŭte tion ĵuri pro via fort'. De l' rev' ĝis mort' ne devos ni forkuri, jen mia vort'!…