See also...


Authorizations, license

Visible by: Everyone
All rights reserved

404 visits

Viktor de KONGA ESPERO prezentos la "AFRIKA Kompilo"-n, sabate 25an kaj, marde 28an

Viktor de KONGA ESPERO  prezentos la "AFRIKA Kompilo"-n,   sabate 25an kaj, marde 28an
Sabaton 25an de julio je la 16a kaj mardon 28an je la 17a 30
en MAS

Viktor Lufimpu de la kinŝasa muzikgrupo KONGA ESPERO

En la komenco de la 90-aj jaroj, pluraj Esperanto-artistoj fuĝis el Kongo al Eŭropo pro la milito, interalie Zhou-Mack Mafuila kiu instaliĝis en Parizo, kaj Denizo Rock Tamba en Germanio.
La 18an de majo 2005,Denizo Rock Tamba estis forpelita de Germanio kun aliaj konganoj post 16 jaroj de ekzilo,lasante tie filon kaj organizitan vivon.
Post reveno en Kinŝaso(Demokratia Respubliko-Kongo),Denizo Rock Tamba,kiu travivis plurajn muzikspertojn (Afrika Espero,La Rolls,ktp.),reaktivis muzike en Kongo kaj renkontis aliajn artistojn dank’al sinjoro Victor Lufimpu kiu subtenis finance la Muzikgrupon.
Dum la seminario de ILEI, kiu okazis en Kinŝaso en 2009,renkontiĝis pluraj esperanto-artistoj, aŭtoroj kaj komponistoj (Victor Lufimpu, Junior Ngangu kaj Rock Tamba) el diversaj lokoj de DR Kongo, kaj havis ideon krei muzikgrupon kun diversaj aliaj muzikistoj sub la nomo Konga Espero.
Malgraŭ la rimedaj malfacilaĵoj,en 2009 ili sukcesis registri en Kinŝasa studio 8-titolan albumeton KIU LINGVO ? kaj konsentis aldoni ĝin kadre de la projekto Afrika Kompilo.
La muzikstilo konsistas de regeo kaj zuko tra latina ĝis funkroko,kun engaĝitaj, pacaj kaj amtekstoj.
Nun Victor Lufimpu, kiu loĝas en Francio prezentas en la 100a UK (en MAS) siajn du verkitajn kantojn aperintaj en la Afrika Kompilo.

Comments