Nova informilo pri Esperanto – en Esperanto

Aŭstria Esperanto-Federacio (AEF) eldonis novan, presitan faldfolion pri la Internacia Lingvo, en kiu legeblas tre mallonge kaj simple pri ĝia historio, pri lern-eblecoj kaj utiligado.
Iom malkutime estas, ke la tuta teksto estas sen ia tradukaĵo, nur en Esperanto. Do temas pri „divenludo“
por interesatoj, kiuj emas kompreni la tekston per la helpo de montritaj grafikaĵoj el la libro Esperanto per rekta metodo de Stano Marček.
Antaŭ la presado AEF faris kompren-provojn kun kelkaj Aŭstrianoj, kiuj grandparte komprenis la tekston sen helpo. Ligilo al la faldfolio kiel PDF kaj al sondokumento kun la voĉlegita teksto: www.esperanto.at/informilo.

(El Esperanto aktuell 3/2012)