Kiu interesiĝas pri la kvanto de vizitantoj de sia retejo, eble volos instali tiun ĉi grafikan skripton. Kiel fari tion, vi povas legi en la grupo Ipernity, demandoj kaj respondoj.
Iom da klarigoj: la verda statistiko montras la kvanton de vizitantoj en la lastaj 45 tagoj. En tiu ĉi okazo do meze 119 personoj. La blua statistiko (kiu fariĝas bluverda, kiam ĝi kovras la verdan) montras la kvanton de vizitantoj inter la instalo de la statistika skripto (en tiu ĉi okazo la 5a de julio 2007) kaj nun. La mezumo en tiu periodo do estas 84 vizitantoj tage.
Estas interese vidi la salton, kiun faras la statistiko meze de oktobro. En tiu momento aldoniĝis la esperantlingva fasado, kaj sekve do ankaŭ pluraj regulaj vizitantoj.