To Die In Avalon - Galadriel

Jes! Tio estas la kanto kiu restis en mia kapo dum pli ol ses jaroj kaj kiu ĉiam memorigis vian muzikan pasintecon al mi. Grandegan dankon pro tio, ke mi finfine povas aŭskulti la tutan kanton! La peceto, kiun mi konas, komenciĝas je -9:03.
Por mi la kanto estas miksaĵo inter la muziko de Marillion (progresema roko) kaj Blind Guardian (metalrokaj baladoj, fantaziaj tekstoj). Indas koni "A Past And Future Secret" de Blind Guardian, kiu ankaŭ pritraktas la rakonton de reĝo Artus. Vi certe trovos ĝin ĉe Youtube; se ne, mi povas sendi ĝin al vi; ĝi iam haveblis senpage en la reto.

Mi ĝojas! Mi alŝutos kelkajn pli el "Muttered..." Tamen, la problemo estas ke, aŭ la muzikaĵoj estas tre longaj (9 ~20 min.!) aŭ tre mallongaj (< 2 min.). Ni estis iom radikala bando :-D

Pri la simileco al Marillion..., he, he... mi plu konsideras nian unuan diskon tre proksima al la plej frua epoko de Genesis (ekz. "The Musical Box"). Ĉar Marillion, siavice, ankaŭ estis konsiderata sub forta influo de Genesis, jen nia inter-simileco.

Mi priesploros tiun Blind Guardian, kiun mi ĝis nun ne konis.