Ĉu astronomia observejo? 

Mi scias ke en mia ĉirkaŭaĵo ekzistas astronomia(j) observejo(j), jam de prahistoriaj tempoj. Temas pri rokoj disponita tiel, ke ili liniiĝas kun la suno en iu difinita momento de la jaro.

La precizan lokon mi ne konas, ĉar la malkovrintoj kaŝis ĝin al la publiko por eviti vandalaĵojn.

Sur la kamparo mi trovis tiujn ĉi rokojn. Ekster la bildo, pli malproksime, estas alia fosto-forma roko, kiu aliniiĝas kun tiuj ĉi laŭ direkto tre proksima al la sunsubiro dum somero.

Ĉu mi sukcesis trovi la astronomian observejon? Okaze ke jes, mi ne metos geoetikedon ĉi-foje.